അസിസ്റ്റൻ്റ് പ്രിസൺ ഓഫീസറെ മരിച്ചനിലയിൽ കണ്ടെത്തി.
ചിറ്റൂർ സ്വദേശി ബർസാത്താണ് മരിച്ചത്.
ജയിൽ ക്വാർട്ടേഴ്സിലാണ് മൃതദേഹം കണ്ടത്.
പാലക്കാട് ചിറ്റൂർ സ്വദേശിയെ തവനൂർ ജയിൽ ക്വാർട്ടേഴ്സിൽ മരിച്ച നിലയിൽ കണ്ടെത്തി. തവനൂര് സെന്ട്രല് ജയിലിലെ അസിസ്റ്റൻറ് പ്രിസൻ ഓഫീസർ ചിറ്റൂർ സ്വദേശി ബര്സാത്ത് എന്ന 29കാരനാണ് മരിച്ചത്. വെള്ളിയാഴ്ച രാവിലെ സഹപ്രവര്ത്തകര് അന്വേഷിച്ചെത്തിയപ്പോള് ക്വാര്ട്ടേഴ്സിലെ മുറിയില് മരിച്ച നിലയില് കണ്ടെത്തുകയായിരുന്നു.
സഹോദരന് മരിക്കുകയാണെന്ന് പറഞ്ഞ് സന്ദേശം അയച്ച ശേഷമാണ് ജീവനൊടുക്കിയത്. എന്നാല്, ഈ സന്ദേശം രാവിലെയാണ് ബര്സാത്തിന്റെ സഹോദരന് കണ്ടത്. അപ്പോള് തന്നെ സഹപ്രവര്ത്തകരെ അറിയിക്കുകയും ഇവരെത്തിയപ്പോള് ക്വാര്ട്ടേഴ്സിലെ മുറിയില് മരിച്ച നിലയില് കണ്ടെത്തുകയുമായിരുന്നു.
വ്യക്തിപരമായ കാരണങ്ങളാല് ബര്സാത്ത് സ്വയം ജീവനൊടുക്കുകയായിരുന്നെന്ന് പൊലീസ് പറഞ്ഞു.
