പുതുപ്പരിയാരം: ജവഹർലാൽ നെഹറു വിൻ്റെ 58-ാം ചരമവാർഷിക ദിനത്തോടനുബന്ധിച്ച് അനുസ്മരണയോഗവും പുഷ്പാർച്ഛനയും കേരളാ പ്രദേശ് ഗാന്ധിദർശൻ വേദി, മലമ്പുഴ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ നടത്തി. ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ ഉദ്ഘാടനം ചെയ്തു. നിയോജക മണ്ഡലം വൈസ് ചെയർമാൻ ഇ.കണ്ണൻ അദ്ധ്യക്ഷത വഹിച്ചു. കരുണാകരൻ വെൽഫെയർ ചാരിറ്റബിൾ ട്രസ്റ്റ് പ്രസിഡണ്ട് കെ.വി.അനിൽകുമാർ മുഖ്യ പ്രഭാഷണം നടത്തി.
നിയോജക മണ്ഡലം ജനറൽ സെക്രട്ടറി സി.സി.സതീഷ്, ഹരിതവേദി ജില്ലാ കൺവീനർ കെ.വിനീഷ്, നിയോജക മണ്ഡലം സെക്രട്ടറി സി.എസ്. സജിത, പുതുപ്പരിയാരം മണ്ഡലം കെ.പി.ജി.ഡി ചെയർമാൻ കെ.എസ്.രമേഷ്, എം.വിനോദ് , പി.എം.അബ്ദുൾ റസാക്ക് തുടങ്ങിയവർ പ്രസംഗിച്ചു.