രാഷ്ട്രപതി പുരസ്കാരം: നാസറിനെ എം.എസ്.എസ് ആദരിച്ചു

പാലക്കാട്:
അഗ്നിരക്ഷാ സേനയിൽ സ്തുത്യർഹ സേവനത്തിനുള്ള രാഷ്‌ട്രപതി പുരസ്കാരം കൈവരിച്ച് നാടിൻ്റെ അഭിമാനമായ മണ്ണാർക്കാട് ഫയർ ആൻ്റ് റെസ്ക്യൂ സ്റ്റേഷനിലെ അസിസ്റ്റൻ്റ് സ്റ്റേഷൻ ഓഫീസർ അലനല്ലൂർ സ്വദേശി പി.നാസറിന് എം.എസ്.എസ് യൂത്ത് വിങ് ജില്ലാ കമ്മിറ്റിയുടെ സ്നേഹാദരം.
അലനല്ലൂർ പഞ്ചായത്ത് വൈസ്പ്രസിഡണ്ട് കെ.ഹംസ
ഉപഹാര സമർപ്പണം നടത്തി.എം.എസ്.എസ് സംസ്ഥാന സമിതി അംഗം ഹമീദ് കൊമ്പത്ത് പൊന്നാടയണിയിച്ചു.ദുരന്തമുഖങ്ങളിലെ പതറാത്ത കർമ്മോത്സുകതയും കരുതലും കാരുണ്യവും കൈവിടാതെയുള്ള ദൗത്യ നിർവ്വഹണവും ഒപ്പം നാട്ടിലെ നന്മ മനസ്സുകളുടെ പിന്തുണയുമാണ് തൻ്റെ അഭിമാന നേട്ടത്തിന് പിറകിലെന്ന് നാസർ പങ്കുവെച്ചു. യൂത്ത് വിങ് ജില്ലാ പ്രസിഡണ്ട് കെ.എച്ച്.ഫഹദ് അധ്യക്ഷനായി.ജനറൽ സെക്രട്ടറി കെ.എ.ഹുസ്നി മുബാറക്,ഭാരവാഹികളായ സി.ടി. ഷൗക്കത്തലി,സഫുവാൻ നാട്ടുകൽ,ടി.അൻസാർ ബാബു, കെ.അഫ്സൽ സംബന്ധിച്ചു.