ഫ്രണ്ട് ഓഫ് ഇന്ത്യ രൂപീകരണ ദിനമായ ഫെബ്രുവരി 17 നു രാജ്യവ്യാപകമായി പോപുലർ ഫ്രണ്ട് ഡേ ആചരിക്കുകയാണ്. ദിനാചരണത്തിന്റെ ഭാഗമായി പാലക്കാട് ജില്ലയുടെ പടിഞ്ഞാറൻ അതിർത്തി പ്രദേശമായ കൂറ്റനാട് ടൗണിൽ 2021 ഫെബ്രുവരി17ന് ബുധനാഴ്ച യൂണിറ്റി മാർച്ചും ബഹുജന റാലിയും പൊതുസമ്മേളനവും സംഘടിപ്പിക്കുകയാണ്.
യൂണിറ്റി മാർച്ചും, ബഹു ജന റാലിയും കൂറ്റനാട് ഗുരുവായൂർ റോഡ് ( ന്യൂ ബസാർ ) വൈകിട്ട് 4 .30 നു ആരംഭിച്ചു 5 .30 നു കൂറ്റനാട് ബസ് സ്റ്റാൻഡിൽ സമാപിക്കും . തുടർന്നു നടക്കുന്ന പൊതു സമ്മേളനം പോപ്പുലർ ഫ്രണ്ട് ദേശീയ സെക്രട്ടറി നാസറുദ്ധീൻ എളമരം ഉത്ഘാടനം ചെയ്യും. പോപ്പുലർ ഫ്രണ്ട് പാലക്കാട് ജില്ലാ പ്രസിഡന്റ് അബ്ദുൽ നാസർ അധ്യക്ഷനായിരിക്കും.
എ കെ അബ്ദുൽ മജീദ് ( എസ് ഡി പി ഐ ജില്ലാ ജനറൽ സെക്രട്ടറി , മലപ്പുറം ) എ . വിനോദ് (ബി എസ് പി ജില്ലാ പ്രസിഡന്റ് പാലക്കാട് ) എസ് പി അമീർ അലി (എസ് ഡി പി ഐ ജില്ലാ പ്രസിഡന്റ് പാലക്കാട് ) എം പി സക്കീർ ഹുസൈൻ (വെൽഫെയർ പാർട്ടി മണ്ഡലം സെക്രട്ടറി തൃത്താല ) അഷ്റഫ് മൗലവി ( ഇമാം കൗൺസിൽ ജില്ലാ പ്രസിഡന്റ് പാലക്കാട് ) കെ കാർത്തികേയൻ (NCHRO ജില്ലാ പ്രസിഡന്റ് പാലക്കാട് ) റംസീന സിദ്ദിഖ് (NWF ജില്ലാ സെക്രട്ടറി പാലക്കാട് ) എന്നിവർ പങ്കെടുക്കും .
തിന്മയോടുള്ള നിരന്തര കലഹവും അതിജീവനത്തിനായുള്ള അശ്രാന്ത പരിശ്രമവുമാണ് പോപുലർ ഫ്രണ്ടിന്റെ കർമ്മമേഖല. ഹിന്ദുത്വ ഫാഷിസവും വിദ്വേഷ രാഷ്ട്രീയവും അധികാരത്തിന്റെ മേലങ്കിയണിഞ്ഞ് രാജ്യത്തെ നശിപ്പിക്കുന്ന വർത്തമാന ഇന്ത്യയിൽ പോപുലർ ഫ്രണ്ടിന്റെ പ്രസക്തി വർധിച്ചു വരികയാണ്.
സവിശേഷമായ ഈ രാഷ്ട്രീയ- സാമൂഹിക സാഹചര്യത്തിലാണ് പോപുലർ ഫ്രണ്ട് യൂണിറ്റി മാർച്ചും ബഹുജന റാലിയും സംഘടിപ്പിക്കുന്നത്. ആത്മാഭിമാനത്തിന്റെ ഈ ചുവടുകൾക്ക് സാക്ഷിയാവാനും ഈ മുന്നേറ്റത്തിൽ പങ്കാളികളാവാനും മുഴുവൻ ജനാതിപത്യ വിശ്വാസികളെയും സ്നേഹപൂർവ്വം ക്ഷണിക്കുന്നു.