പോലീസിനെ സഹായിക്കാന്‍ ഇങ്ങനേയും ജനങ്ങള്‍ക്ക് കഴിയും
മലമ്പുഴ: പോലീസ് സ്‌റ്റേഷന്റെ ദിശാബോര്‍ഡില്‍ കാഴ്ച മറയ്ക്കുന്ന വിധത്തില്‍ പടര്‍ന്നു കിടക്കുന്ന വള്ളിച്ചെടികള്‍ വൃത്തിയാക്കി യുവാവ് മാതൃകയാവുന്നു. മലമ്പുഴ ഐ ടി ഐ ക്കു മുമ്പില്‍ സ്ഥാപിച്ച മലമ്പുഴ പോലീസ് സ്‌റ്റേഷന്റെ ദിശാബോര്‍ഡാണ് ശാസ്താംകോളനി കൃഷ്ണയിലെ മണികണ്ഠന്‍ വൃത്തിയാക്കിയത്.
ജനങ്ങള്‍ക്കുവേണ്ടി രാപകലില്ലാതെ പണിയെടുക്കുന്ന പോലീസുകാരെ സഹായിക്കാന്‍ ഇങ്ങനെയൊക്കെയല്ലേ പറ്റൂ എന്ന് മണികണ്ഠന്‍ ചോദിക്കുന്നു. ദിവസവും രാവിലെ അഞ്ചരക്ക് അയല്‍വാസിയുമൊത്ത് നടക്കാനിറങ്ങുന്ന മണികണ്ഠന്റെ ശ്രദ്ധയില്‍ പെട്ടത് ഈയടുത്ത ദിവസമായിരുന്നു സുഹൃത്തുമായി പങ്കുവെച്ചപ്പോള്‍ ഈ ആശയം നല്ലതാണെന്ന് പറഞ്ഞ് അദ്ദേഹം പ്രോത്സാഹിപ്പിക്കുകയായിരുന്നുവെന്ന് മണികണ്ഠന്‍ പറഞ്ഞു.
