ഭൂമിയിലെ പച്ചപ്പും ഓക്സിജനും നിലനിർത്താൻ മരങ്ങൾ നട്ടുപിടിപ്പിക്കണം.
-ജില്ല പഞ്ചായത്ത് പ്രസിഡൻ്റ് കെ.ബിനു മോൾ.-.
മലമ്പുഴ: അന്തരീക്ഷ മലിനീകരണം കൂടി കൊണ്ടിരിക്കുന്നതിനനുസരിച്ച് പുതിയ രോഗങ്ങളും കടന്നു വരുന്ന സാഹചര്യത്തിൽ ഭൂമിയിലെ പച്ചപ്പും ഓക്സിജനും നിലനിർത്താൻ കൂടുതൽ മരങ്ങൾ നട്ടുപിടിപ്പിക്കുന്നത് അനിവാര്യമാണെന്നും സംഘടനകൾ വഴി പുതു തലമുറ മരം നട്ടുപിടിപ്പിക്കുന്നത് അഭിനന്ദനാർഹമാണെന്നും നഷ്ടപ്പെട്ട പച്ചപ്പ് ഇത്തരം പ്രവർത്തനങ്ങൾ വഴിതിരിച്ചുപിടിക്കാനാവുമെന്നും ജില്ല പഞ്ചായത്ത് പ്രസിഡൻറ് കെ.ബിനു മോൾ പറഞ്ഞു.
ഭൗമദിനത്തോടനുബന്ധിച്ച് പാലക്കാട് ജില്ല ജയിലിലെ കേരള പ്രീസൺ സ് ഏൻറ് കറഷണൽ സർവ്വീസ് ,പാലക്കാട് ജൈവ സംരക്ഷണ സമിതി;അടക്കാ പുത്തൂർ സംസ്കൃതി എന്നീ സംഘടനകളുടെ ആഭിമുഖ്യത്തിൽ ജില്ല ജയിലിൽ ഒരുക്കുന്ന നക്ഷത്ര വനം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അവർ.വിശാഖം നക്ഷത്രക്കാരിയായ അവരുടെ നക്ഷത്ര വൃക്ഷമായ വയ്യ ങ്കത- ചെടി നട്ടാണ് ഉദ്ഘാടനം ചെയ്തത്.തിരുവാതിര നക്ഷത്രക്കാരനായ ജയിൽ സൂപ്രണ്ട് കെ.അനിൽകുമാർ അദ്ദേഹത്തിൻ്റെ നക്ഷത്ര വൃക്ഷമായ കരിമര വൃക്ഷതൈ നട്ട് അദ്ധ്യക്ഷത വഹിച്ചു. ഷി പ്രവനം, ശലഭോ ദ്യ >നം, പച്ചക്കറി, നെല്ല് തുടങ്ങി ജയിൽ കാമ്പസ് പച്ച തുരുത്തായി മാറിയിരിക്കയാണെന്ന് അദ്ധ്യക്ഷ പ്രസംഗത്തിൽ സൂപ്രണ്ട് പറഞ്ഞു.
ജൈവ സംരക്ഷണ സമിതി സെക്രട്ടറി രാജീവ് മലമ്പുഴ, പ്രസിഡൻ്റ് എ.നാരായണൻ, അടക്കാ പുത്തൂർ സംസ്കൃതി സെക്രട്ടറി കെ.രാജേഷ്, എം.ടി.പ്രകാശ് ബാബു; കെ.ടി.ജയദേവൻ ,കെ.രാജൻ, അസിസ്റ്റൻറ് ജയിൽ സൂപ്രണ്ടുമാരായ ജയചന്ദ്രൻ ,മിനിമോൾ, രതി, ഡി.പി.ഒ.മാരായ സുനിൽ, മുരളികൃഷ്ണൻ, .ഷിബു, ബിനീത്, കൃഷ്ണകുമാർ, എന്നിവർ നേതൃത്ത്വം നൽകി.