നടക്കാവ് റെയിൽവേ മേൽപ്പാലം പ്രവർത്തനങ്ങൾക്ക് തുടക്കമായി

പാ​ല​ക്കാ​ട്: ന​ട​ക്കാ​വ് റെ​യി​ൽ​വേ മേ​ൽ​പാ​ല​ത്തിന്റെ തൂ​ണു​ക​ൾ സ്ഥാ​പി​ക്കു​ന്ന​തി​ന് മുന്നോടിയായി ​പ്രദേശത്തെ വൈ​ദ്യു​തി ക​മ്പി​ക​ളും കു​ടി​വെ​ള്ള പൈ​പ്പു​ക​ളും മാ​റ്റി​സ്ഥാ​പി​ക്കുന്ന പ്രവൃത്തികൾക്ക് തുടക്കം. കഴിഞ്ഞ ഡി​സം​ബ​റി​ലാ​ണ് പ​ദ്ധ​തി​യു​ടെ നി​ർ​മ്മാണോ​ദ്ഘാ​ട​നം ന​ട​ത്തി​യ​ത്. അതിവേഗം നിർമ്മാണം പൂർത്തിയാക്കി അടുത്ത വർഷം ആദ്യംതന്നെ പാ​ലം തു​റ​ന്നു​കൊ​ടു​ക്കാ​ൻ ക​ഴി​യു​മെന്നാ​ണ് പ്ര​തീ​ക്ഷയെന്ന് ആർ.ബി.ഡി.സി.കെ
പാലക്കാട് – മലമ്പുഴ പാതയിൽ ഏറെ ഗതാഗതത്തിരക്കുള്ള മേഖലയാണ് നടക്കാവ് റെയിൽവേ ഗേറ്റ്. പാലക്കാട് ജംഗ്ഷൻ റെയിൽവേ സ്റ്റേഷനോട് ചേർന്നുകിടക്കുന്ന ഗേറ്റ് ആയതിനാൽ ദിവസത്തിൽ പത്ത് മണിക്കൂറും അടഞ്ഞു കിടക്കുമെന്നാണ് കണക്ക്. പത്തുമിനിട്ട് മുതൽ 25 മിനിട്ട് വരെ ഗേറ്റ് അടച്ചിടാറുണ്ട്. അടിയന്തര ചികിത്സ ആവശ്യമുള്ളവരെ യഥാസമയം ആശുപത്രിയിൽ എത്തിക്കാൻ കഴിയാതെ നിരവധിപേർ മരണപ്പെട്ട സംഭവങ്ങളും ഉണ്ടായിട്ടുണ്ട്.
കഴിഞ്ഞ പത്തുവർഷത്തിനുള്ളിൽ ഏകദേശം 40 പേർക്ക് ഇത്തരത്തിൽ ജീവൻ നഷ്ടമായിട്ടുണ്ടെന്ന് നാട്ടുകാർ പറയുന്നു. 2020 ഒക്ടോബറിലായിരുന്നു അവസാന സംഭവം. പാലക്കാട് ജംഗ്ഷൻ റെയിൽവേ സ്റ്റേഷന് സമീപമായതിനാൽ ഗേറ്റിന്റെ നിയന്ത്രണം സ്റ്റേഷൻ അധികൃതർക്കാണ്. സ്റ്റേഷനിൽ നിന്ന് റിലീസ് ചെയ്യാതെ ഗേറ്റ് തുറക്കില്ലെന്നത് വലിയ പ്രതിസന്ധിയാണ് സൃഷ്ടിക്കുന്നത്.