വടക്കഞ്ചേരി മേൽപ്പാലം നിർമാണം അവസാനഘട്ടത്തിൽ.

വടക്കഞ്ചേരി – -മണ്ണുത്തി ദേശീയപാതയിൽ വടക്കഞ്ചേരി മേൽപ്പാലം നിർമാണം അവസാനഘട്ടത്തിൽ. അവസാനവട്ട ടാറിങ്‌, ഡിവൈഡർ നിർമാണം, അഴുക്കുചാൽ നിർമാണം എന്നിവ പുരോഗമിക്കുന്നു. ഇതുകൂടി പൂർത്തിയായാൽ ചൊവ്വാഴ്ചയോ ബുധനാഴ്ചയോ മേൽപ്പാലം ഗതാഗതത്തിന്‌ തുറന്നുകൊടുക്കും. പാലത്തിൽ വൈദ്യുതവിളക്ക്‌ സ്ഥാപിക്കുന്നതുൾപ്പെടെയുള്ള പ്രവൃത്തി പിന്നീട് ചെയ്യും.  വടക്കഞ്ചേരി –- മണ്ണുത്തി ദേശീയപാതയിൽ ആറുവരിപ്പാത ആരംഭിക്കുന്ന റോയൽ ജങ്‌ഷൻ മുതലാണ് മേൽപ്പാലം ആരംഭിക്കുന്നത്. ഡയാന ഹോട്ടലിനുസമീപം അവസാനിക്കുന്ന മേൽപ്പാലത്തിന് ഒന്നര കിലോമീറ്റർ ദൂരം. പാലത്തിന് കുറുകെ മൂന്ന് അടിപ്പാതകളുണ്ട്‌. പാലത്തിലൂടെ ഗതാഗതം ആരംഭിച്ചാൽ  വടക്കഞ്ചേരി നഗരവുമായി ബന്ധപ്പെട്ട ഗതാഗതക്കുരുക്കിന് പരിഹാരമാകും.