ഒറ്റപ്പാലം സി.പി.എം ഏരിയ സമ്മേളനത്തില്‍ ജില്ല നേതൃത്വത്തിനെതിരെ വിമർശനം. ജില്ല സെക്രട്ടറിയുടെ സാന്നിധ്യത്തിലായിരുന്നു പ്രതിനിധികളുടെ വിമർശനം.
പൊളിറ്റ് ബ്യൂറോ അംഗമായ എ. വിജയരാഘവനെ പാലക്കാട് ലോക്സഭ സ്ഥാനാർഥിയാക്കിയതിനേയും പ്രതിനിധികള്‍ വിമർശിച്ചു.
ഒറ്റപ്പാലത്ത് പുതിയ ഏരിയ കമ്മറ്റി രൂപീകരിച്ചതിലും പ്രതിനിധികള്‍ അമർഷം രേഖപ്പെടുത്തി.
ജില്ല കമ്മറ്റിയുടെ മൂക്കിന് താഴെയുള്ള പാലക്കാട് മണ്ഡലത്തില്‍ സംഘടന ദുർബമായത് എങ്ങനെ എന്നായിരുന്നു പ്രതിനിധികളുടെ ചോദ്യം. യുവാക്കളെ സംഘടനയിലേക്ക് കൊണ്ടുവരുന്നതില്‍ പാർട്ടി പരാജയപ്പെട്ടു എന്നും ഗ്രൂപ്പ് ചർച്ചയില്‍ ആക്ഷേപം ഉയര്‍ന്നു.
