കാൻസർ ബാധിതനെ സഹായിക്കാൻ എൻ. സി. സി.കാഡറ്റുകൾ സേവനമനുഷ്ഠിച്ചു.
നെന്മാറ. എൻ.എസ്. എസ് കോളേജ് നെന്മാറയിലെ കമ്പനി 3ലെ എൻ. സി. സി കാഡെറ്റ്സ് നെന്മാറ ബസ്സ്റ്റാൻഡിൽ സംഭാരം വിതരണം നടത്തി. ചുട്ടുപൊള്ളുന്ന വേനലിൽ ദാഹിച്ചു വരുന്നവരുടെ ദാഹമകറ്റാൻ ഇന്ന് കാലത്ത് 11മണിമുതൽ ഉച്ചയ്ക്ക് 1½ മണിവരെ സംഭാരം വിതരണം നടത്തുകയും, താത്പര്യമുള്ളവർ നൽകുന്ന സംഭാവനകൾ സ്വരൂപിച്ച്, കൊല്ലങ്കോടുള്ള കാൻസർ ബാധിതനായ അഞ്ചു വയസ്സുകാരൻ ഇഷാൻ എന്ന കൊച്ചനുജനുവേണ്ടി നൽകുക എന്ന ദൗത്യത്തിൽ പങ്കാളിത്തം ഏറ്റെടുക്കുകയും ചെയ്യുകയും ചെയ്തുകൊണ്ട് ഈ കാഡറ്റുകൾ സമൂഹത്തിന് മാതൃകയാവുകയാണ്.
