പട്ടികവർഗ്ഗ മഹാസഭ പാലക്കാട് ജില്ലാ കമ്മിറ്റിയുടെ നേതൃത്വത്തിൽ നടന്ന ഐക്യദാർഢ്യ ജാഥ
കൊല്ലങ്കോട്: മുതലമട പഞ്ചായത്ത് ഓഫീസിന് മുന്നിൽ 49 ദിവസമായി കുടിൽ കെട്ടി സമരം നടത്തി വരുന്ന അംബേദ്കർ കോളനിയിലെ ദളിത് ജനതക്ക് പിന്തുണയുമായി പട്ടികവർഗ്ഗ മഹാസഭ പാലക്കാട് ജില്ലാ കമ്മിറ്റിയുടെ നേതൃത്വത്തിൽ ഐക്യദാർഢ്യ ജാഥയും പ്രഖ്യാപനവും നടന്നു. ഗോവിന്ദാപുരം അംബേദ്കർ കോളനിയിലെ ചക്ലിയർ, എസ്.സി സമുദായത്തിന്റെ ഉന്നമനത്തിനു സർക്കാർ പ്രഖ്യാപിച്ച വികസന പാക്കേജ് ഉടൻ നടപ്പിലാക്കണമെന്ന് അവർ ആവശ്യപ്പെട്ടു. മാത്തൂർ മണികണ്ഠൻ അദ്ധ്യക്ഷത വഹിച്ച ചടങ്ങിൽ എസ്ഡിപിഐ ജില്ലാ കമ്മിറ്റി അംഗം സക്കീർ ഹുസൈൻ ഉദ്ഘാടനം ചെയ്തു. എൻ സി എച് ആർ എസ് സംസ്ഥാന പ്രസിഡന്റ് വിളയോടി ശിവൻകുട്ടി, സജീവൻ രാജു, രവീന്ദ്രൻ, രാജൻ പുലിക്കോട് , തുടങ്ങിയവർ സംസാരിച്ചു.
