വടക്കഞ്ചേരിയിൽ എംഡിഎംഎയുമായി രണ്ട് യുവാക്കൾ പിടിയിൽ
പാലക്കാട്:വടക്കഞ്ചേരി എംഡിഎംഎ കൈവശംവച്ച രണ്ട് യുവാക്കളെ വടക്കഞ്ചേരി പോലീസ് അറസ്റ്റ് ചെയ്തു. കണ്ടങ്കാളി പൊറ്റയിൽ നിന്നാണ് 8 ഗ്രാമിന് താഴെയായി എംഡിഎംഎ പിടിച്ചെടുത്തത്.
അഞ്ചുമൂർത്തിമംഗലം വഴുവാക്കോട് സ്വദേശി വിജേഷ്, വടക്കഞ്ചേരി ആമക്കുളം സ്വദേശി ദിലീപ് എന്നിവരാണ് പിടിയിലായത്. രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതികൾ പിടിയിലായത്.
സി.ഐ കെ.പി. ബെന്നിയുടെ നേതൃത്വത്തിൽ എസ്.ഐ സനീഷ്, എസ്.സി.പി.ഒ ഭാവിഷ്, കെ.എച്ച്.ജി അഫ്സൽ എന്നിവരും ഡാൻസാഫ് അംഗങ്ങളായ എ.എസ്.ഐ ബ്ലസൻ ജോസ്, ദേവദാസ്, എസ്.സി.പി.ഒ റിയാസ്, എസ്.സി.പി.ഒ ലൈജു എന്നിവരും ചേർന്നാണ് പ്രതികളെ പിടികൂടിയത്.
നർക്കോട്ടിക് വിരുദ്ധ പരിശോധനകൾ ശക്തമാക്കുമെന്നും പോലീസ് അറിയിച്ചു.പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
