18.06 ഗ്രാം എം.ഡി.എം.എയുമായി യുവാവ് പിടിയില്‍. കൊല്ലം ശാസ്താംകോട്ട വിളയശ്ശേരി പുത്തൻവീട് കക്കാക്കുന്ന് ആദര്‍ശിനെ(22)യാണ് ഞാങ്ങാട്ടിരിയില്‍ നിന്ന് പിടികൂടിയത്.
തൃത്താല പൊലീസും പാലക്കാട് ജില്ല ലഹരിവിരുദ്ധ സ്ക്വാഡും ചേര്‍ന്ന് നടത്തിയ പരിശോധനയിലാണ് യുവാവ് പിടിയിലായത്
പാലക്കാട് ജില്ല പൊലീസ് മേധാവി ആര്‍. ആനന്ദിന്റെ നിര്‍ദ്ദേശപ്രകാരം നാര്‍കോട്ടിക് സെല്‍ ഡിവൈ.എസ്.പി ആര്‍. മനോജ് കുമാര്‍, ഷൊര്‍ണൂര്‍ ഡിവൈ.എസ്.പി ഹരിദാസ് എന്നിവരുടെ നേതൃത്വത്തില്‍ സബ് ഇൻസ്പെക്ടര് ഷാജി, തൃത്താല സബ് ഇൻസ്പെക്ടര് എച്ച്‌. ഹര്‍ഷാദ് എന്നിവരുടെ നേതൃത്വത്തിലുള്ള ജില്ല ലഹരിവിരുദ്ധ സ്ക്വാഡും ചേര്‍ന്നാണ് പരിശോധന നടത്തിയത്.
