ആയിരങ്ങളെ മരണത്തിനെറിഞ്ഞു കൊടുത്ത് ഭരണകൂടം കരയ്ക്കിരുന്നു ദുരന്തം കാണുന്നു’
പാലക്കാട്∙ നരേന്ദ്ര മോദി സർക്കാരിന്റെ നയങ്ങള്ക്കെതിരെ വിമർശനവുമായി മുൻ എംപി എം.ബി.രാജേഷ്. കേന്ദ്ര–സംസ്ഥാന സർക്കാരുകളുടെ നടപടികളെ താരതമ്യം ചെയ്ത അദ്ദേഹം വില കൂട്ടാൻ ഇനി ശവപ്പെട്ടി കൂടിയേ ബാക്കിയുള്ളൂവെന്നും മോദിയുടെ കോർപറേറ്റ് ചങ്ങാതിമാർ ശവപ്പെട്ടി ഉൽപാദിപ്പിച്ചിരുന്നെങ്കിൽ അതിലും കൊള്ളലാഭം അവർക്ക് ഉറപ്പാക്കുമായിരുന്നുവെന്നും പറഞ്ഞു.
മറ്റു രാജ്യങ്ങൾ ആവശ്യമായ ഡോസ് വാക്സീൻ നേരത്തേ ബുക്ക് ചെയ്തപ്പോൾ മോദി സർക്കാർ പൊറുക്കാനാവാത്ത അനാസ്ഥയാണ് കാണിച്ചതെന്നും അദ്ദേഹം സമൂഹമാധ്യമത്തിലെ കുറിപ്പിൽ ആരോപിച്ചു.
