മോട്ടോർവാഹന വകുപ്പ് ഉദ്യോഗസ്ഥെരെ തടസ്സപ്പെടുത്തൽ: പതിനഞ്ച്​ പേർക്കെതിരെ കേസ്

മോട്ടോർവാഹന വകുപ്പ് ഉദ്യോഗസ്ഥരുടെ കൃത്യനിർവഹണം തടസ്സപ്പെടുത്തൽ: പഞ്ചായത്തംഗമടക്കം പതിനഞ്ച്​ പേർക്കെതിരെ കേസ്
പത്തിരിപ്പാല: സംസ്ഥാനപാത പത്തിരിപ്പാല ടൗണിൽ കഴിഞ്ഞദിവസം രാത്രിയിൽ വാഹനപരിശോധനക്കി​ടെ മോട്ടോർവാഹന വകുപ്പ് ഉദ്യോഗസ്ഥരുടെ കൃത്യനിർവഹണം തടസ്സപ്പെടുത്തിയെന്ന്​ ആരോപിച്ച്​ പഞ്ചായത്തംഗം അടക്കം 15 പേർക്കെതിരെ കേസ്. മണ്ണൂർ മണ്ഡലം കോൺഗ്രസ് പ്രസിഡൻറും ഗ്രാമപഞ്ചായത്ത് വികസനകാര്യ സ്ഥിരംസമിതി ചെയർമാനുമായ ഹുസൈൻ ഷെഫീഖ് അടക്കം കണ്ടാലറിയാവുന്ന 15 പേർക്കെതിരെയാണ്​ ജാമ്യമില്ലാ വകുപ്പ് പ്രകാരം ഒറ്റപ്പാലം പൊലീസ് കേസെടുത്തത്​. വാഹനപരിശോധനക്കിടെ ലൈസൻസും രേഖകളും ഇല്ലാതെ ബൈക്കിൽ എത്തിയ യുവാവിനെ പിടികൂടിയപ്പോൾ ജനപ്രതിനിധി സ്ഥലത്തെത്തി ഉദ്യോഗസ്ഥരോട് അപമര്യാദയായി പെരുമാറിയെന്നും തടഞ്ഞുവെച്ചെന്നുമാണ്​​ കേസ്​. ബൈക്ക് യാത്രക്കാരനായ മണ്ണൂർ സ്വദേശിക്ക്​ 10,000 രൂപ പിഴചുമത്താൻ ശ്രമിച്ചതായും കൈക്കൂലി ആവശ്യപ്പെട്ടത് ചോദ്യംചെയ്ത തന്നോട് ഉദ്യോഗസ്ഥർ അപമര്യാദയായി പെരുമാറിയെന്നും രാഷ്​ട്രീയ ഇടപെടലാണ് കേസിന്​ പിന്നിലെന്നും പഞ്ചായത്ത് അംഗം സമൂഹമാധ്യമത്തിലൂടെ വ്യാജപ്രചാരണം നടത്തി ഉദ്യോഗസ്ഥരെ അപമാനിച്ചതിന് ഹുസൈൻ ഷഫീഖിനെതിരെ മറ്റൊരു കേസും രജിസ്​റ്റർ ചെയ്തിട്ടു