പാലക്കാട്:മഹിളാമോര്ച്ച നേതാവിനെ വീട്ടില് തൂങ്ങി മരിച്ച നിലയില് കണ്ടെത്തി. സിഎന് പുരം നടുവക്കാട്ടുപാളയത്ത് രമേഷിന്റെ ഭാര്യ ശരണ്യ രമേഷാണു (27) മരിച്ചത്.
മഹിളാമോര്ച്ച പാലക്കാട് മണ്ഡലം ട്രഷററാണ്.
ഇന്നലെ വൈകിട്ടു 4ന് മാട്ടുമന്തയിലെ വാടക വീടിനുള്ളിലാണു ശരണ്യയെ തൂങ്ങിമരിച്ച നിലയില് കണ്ടെത്തിയത്.മൃതദേഹം ജില്ലാ ആശുപത്രി മോര്ച്ചറിയിലാണ്.സംഭവത്തില് പാലക്കാട് നോര്ത്ത് പൊലീസ് കേസെടുത്തു.
ആത്മഹത്യാ കുറിപ്പ് ലഭിച്ചിട്ടുണ്ടെന്നും അന്വേഷണം നടത്തിയതിന് ശേഷമാകും കൂടുതല് നടപടിയെന്നും പൊലീസ് അറിയിച്ചു. മക്കള്: രാംചരണ്, റിയശ്രീ.
