മണ്ണാർക്കാട്:എസ്.എസ്.എൽ.സി,പ്ലസ്ടു പരീക്ഷകളിൽ സമ്പൂർണ്ണ എ പ്ലസ് നേടിയ കരിമ്പ മേഖലയിലെ കുട്ടികളെയും വിവിധ മേഖലകളിൽ മികവു തെളിയിച്ച അതുല്യപ്രതിഭകളെയും കല്ലടിക്കോട് സർവീസ് സഹകരണ ബാങ്ക് അനുമോദിച്ചു. ബാങ്ക് പ്രസിഡന്റ് വി. കെ.ഷൈജുവിന്റെ അധ്യക്ഷതയിൽ നടന്ന ‘ആദരം 2022’ എംഎൽഎ ഷാഫി പറമ്പിൽ ഉദ്ഘാടനം ചെയ്തു.
വിദ്യാര്ത്ഥികളെ പ്രബുദ്ധരാക്കുക, ആർജ്ജവമുള്ളതാക്കുക എന്നതായിരിക്കണമെന്നും,ശരിയായ വിദ്യാഭ്യാസം നേടിയാല് മാത്രമേ ഓരോ വിദ്യാര്ത്ഥിക്കും പ്രകാശമാനമായ മനസ്സും വിജയവും കൈവരുകയുള്ളൂവെന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു.’ജീവിതം അവസരങ്ങളുടെ അനുഗ്രഹമാണ്’ എന്ന വിഷയത്തിൽ
സിവിൽ സർവീസ് പരിശീലകൻ ബിലാൽ മുഹമ്മദ് മോട്ടിവേഷൻ ക്ലാസ് നയിച്ചു.
വാർഡ് മെമ്പർ കെ.കെ.ചന്ദ്രൻ,വി.സി.ഉസ്മാൻ,പി.കെ. മുഹമ്മദ് മുസ്തഫ, രാധാകൃഷ്ണൻ, മണികണ്ഠൻ, തുടങ്ങിയവർ സംസാരിച്ചു,ബാങ്ക് വൈസ് പ്രസിഡന്റ് ജെ.ദാവൂദ് സ്വാഗതവും സെക്രട്ടറി ബിനോയ് ജോസഫ് നന്ദിയും പറഞ്ഞു.
