സമ്പൂർണ്ണ അടച്ചിടൽ: സന്നദ്ധ പ്രവർത്തകരുടെ സേവനം ലഭിക്കുന്നില്ലെന്ന് ആക്ഷേപം
തച്ചനാട്ടുകര:സമ്പൂർണ്ണ ലോക്ക് ഡൗണിലായ തച്ചനാട്ടുകര പഞ്ചായത്തിന്റെ ചില ഭാഗങ്ങളിൽ സന്നദ്ധ പ്രവർത്തകരുടെ സേവനം ലഭിക്കുന്നില്ലെന്ന് ആക്ഷേപം. ഇക്കാരണത്താൽ വാർഡ് 14 ൽ പെട്ട പനങ്കുറുശ്ശി ക്ഷേത്ര പരിസരത്ത് ജനങ്ങൾ വളരെയേറെ ബുദ്ധിമുട്ടുന്നതായാണ് പ്രദേശവാസികൾ പറയുന്നത്.സന്നദ്ധ പ്രവർത്തകരുടെ സംഘത്തിൽ ഈ പ്രദേശത്തെ ഒരാളെപ്പോലും ഉൾപ്പെടുത്താത്തതും ബുദ്ധിമുട്ട് രൂക്ഷമാക്കുകയാണ്.ഇത്തരത്തിലുള്ള വേറെയും ചില ഭാഗങ്ങൾ പഞ്ചായത്ത് പരിധിയിലുണ്ടെന്ന് ഇവർ പറയുന്നു. പഞ്ചായത്ത് ഭരണ സമിതി ഇക്കാര്യത്തിൽ ശ്രദ്ധിക്കണമെന്നും ജനങ്ങൾക്കുണ്ടാകുന്ന ബുദ്ധിമുട്ട് പരിഹരിക്കണമെന്നും ആവശ്യമുയരുന്നുണ്ട്.
