പാലക്കാട്ജില്ലയിൽ ഇത്തവണയും എൽഡിഎഫ് മികച്ച വിജയം നേടുമെന്ന് സിപിഐ എം ജില്ലാ സെക്രട്ടറി സി കെ രാജേന്ദ്രൻ പറഞ്ഞു. പാലക്കാട് പ്രസ്ക്ലബ്ബിന്റെ മുഖാമുഖം പരിപാടിയിൽ സംസാരിക്കുകയായിരുന്നു അദ്ദേഹം. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ സ്ഥാനാർഥികളുടെ വ്യക്തിപരമായ വിശേഷണങ്ങൾക്കപ്പുറം രാഷ്ട്രീയം ചർച്ചയാകുന്നു. കഴിഞ്ഞതവണ യുഡിഎഫ് ഭരണത്തിൽ നടത്തിയ വാർഡ് വിഭജനത്തിലാണ് തെരഞ്ഞെടുപ്പ് നടന്നത്. അന്ന് ജില്ലയിലെ 88 പഞ്ചായത്തുകളിൽ 69 ഉം ബ്ലോക്ക് പഞ്ചായത്തുകളിൽ 13 ൽ 11 ഉം ജില്ലാ പഞ്ചായത്ത് ഡിവിഷനുകളിൽ 30ൽ 27ഉം എൽഡിഎഫ് നേടി. ഏഴ് നഗരസഭകളിൽ രണ്ടെണ്ണം എൽഡിഎഫിനായിരുന്നു. മണ്ണാർക്കാട് തുല്യസീറ്റിലെത്തി.
