.
ലഹരി മുക്ത സമൂഹം വളരണം… ഗാന്ധിദർശൻ വേദി.
പാലക്കാട് :
ലഹരി മുക്ത സമൂഹം കെട്ടിപ്പടുക്കുവാൻ ഗാന്ധിമാർഗ്ഗമാണ് അഭികാമ്യമെന്ന് കേരളാ പ്രദേശ് ഗാന്ധിദർശൻ വേദി ജില്ലാ കോർ കമ്മിറ്റി യോഗം അഭിപ്രായപ്പെട്ടു. ലഹരി വിരുദ്ധ ദിനാചരണ യോഗം സംഘടിപ്പിച്ച് ചർച്ചകൾ സംഘടിപ്പിച്ചു.
ജില്ലാ ചെയർമാൻ പി.പി.വിജയകുമാർ അദ്ധ്യക്ഷത വഹിച്ചു. സംസ്ഥാന സെക്രട്ടറി പി.മോഹനകുമാരൻ, ജില്ലാ ജനറൽ സെക്രട്ടറി എ.ശിവരാമകൃഷ്ണൻ, എം.വി.ആർ.മേനോൻ, കെ.വി. പുണ്യകുമാരി, എ.ഗോപിനാഥൻ, പി.പ്രീത, പി.കെ. സൂര്യകുമാർ, പുഷ്പവല്ലി നമ്പ്യാർ, ടി.എൻ.ചന്ദ്രൻ, കെ.അജിത, എന്നിവർ സംസാരിച്ചു. സ്ത്രീധനം എന്ന സാമൂഹ്യ വിപത്ത് നാടിന് ആപത്താണെന്നും, അതുമൂലം ഉണ്ടാകുന്ന മരണങ്ങൾക്ക് ഉത്തരവാദികളായവരെ നിയമത്തിന് മുമ്പിൽ കൊണ്ടുവന്ന് മാതൃകാപരമായി ശിക്ഷിക്കണമെന്നും യോഗം ആവശ്യപ്പെട്ടു.