കുഞ്ചന്പുരസ്കാരം മണലൂര് ഗോപിനാഥിന്
പാലക്കാട്: കേരള സര്ക്കാര് സാംസ്കാരിക വകുപ്പിന്റെ കീഴിലുള്ള ലക്കിടി കുഞ്ചന് നമ്പ്യാര് സ്മാരകത്തിലെ 2020 വര്ഷത്തെ കുഞ്ചന്അവാര്ഡ് മണലൂര് ഗോപിനാഥിന്. തൃശൂര് കാഞ്ഞാണി സ്വദേശിയായ ഇദ്ദേഹം കേരളത്തിനും പുറത്തുമായി നിരവധി വേദികളില് തുള്ളല് അവതരിപ്പിക്കുകയും വിദ്യാര്ത്ഥികളെ തുള്ളന്കല അഭ്യസിപ്പിക്കുകയുംചെയ്യുന്നുണ്ട്. കേരള പോലീസില് സബ് ഇന്സ്പെക്ട്റായി സേവനം അനുഷ്ഠിച്ചിരുന്ന മണലൂര് തുള്ളല്കളരിയ്്ക്കും രൂപം നല്കിയിട്ടുണ്ട്. ഈ മാസം 30 ന് കലക്കത്ത് ഭവനില് നടക്കുന്ന അരങ്ങേറ്റ ഉത്സവത്തില് പുരസ്കാരം കൈമാറുമെന്ന് പത്രസമ്മേളനത്തില് ചെയര്മാന് ഇ രാമചന്ദ്രന്, സെക്രട്ടറി ചന്ദ്രന്കുട്ടി, മോഹന്ദാസ് ശ്രീകൃഷണപുരം, ഡയറക്ടര് രാജേഷ് എന്നിവര്് അറിയിച്ചു.
കുഞ്ചന്നമ്പ്യാര് സ്മാരകത്തിലെ കലാപീഠം വിദ്യാര്ത്ഥികളുടെ അരങ്ങേറ്റ ഉത്സവവും ആര്ട്ട് ഗാലറി ഉദ്ഘാടനവും അന്ന് രാവിലെ പത്തിന് കവിഗ്യഹത്തിലെ കളിത്തട്ടില് നടക്കും. ഒറ്റപ്പാലം പി ഉണ്ണി ഉദ്ഘാടനം ചെയ്യും. തുടര്ന്ന്് കലാപീഠത്തിലെ തുള്ളല്, ശാസ്ത്രീയ സംഗീതം, മൃദംഗം, മോഹിനിയാട്ടം തുടങ്ങി വിവിധ പരിപാടികള് കോവിഡ് മാനദണ്ഡങ്ങള് പാലിച്ചായിരിക്കും നടക്കുക.