KSRTC എന്ന കേരളത്തിലെ ഏറ്റവും വലിയ പൊതുമേഖലാ സ്ഥാപനത്തെ തകർക്കുന്നതിന്റെ ഭാഗമായി കെ-സ്വിഫ്റ്റ് എന്ന സ്വതന്ത്ര കമ്പനിക്ക് അനുമതി നൽകിയ കാബിനറ്റ് തീരുമാനത്തിനെതിരെ KSRTC യിലെ അംഗീകൃത തൊഴിലാളി സംഘടനയായ KST എംപ്ലോയീസ് സംഘിന്റെ നേതൃത്വത്തിൽ 17/02/21 ന് രാത്രിയിൽ പാലക്കാട് KSRTC ഡിപ്പോയിൽ പന്തം കൊളുത്തി പ്രകടനവും പ്രതിഷേധയോഗവും സംഘടിപ്പിച്ചു.
യോഗത്തെ സംസ്ഥാന സെക്രട്ടറി P.K. ബൈജു അഭിസംബോധന ചെയ്തു. പതിനായിരക്കണക്കിന് അഭ്യസ്തവിദ്യരായ ഉദ്യോഗാർത്ഥികളുടെ പ്രതീക്ഷയായ KSRTC യെ ഇല്ലായ്മ ചെയ്ത് കേരളത്തിന്റെ പൊതു ഗതാഗതം പാർട്ടി ബിനാമികൾക്ക് തീറെഴുതാനുള്ള സർക്കാർ ശ്രമം എന്തു വില കൊടുത്തും ചെറുത്തു തോൽപ്പിക്കുമെന്ന് അദ്ദേഹം പറഞ്ഞു. N K കണ്ണൻ,TV രമേഷ് കുമാർ സുരേഷ് കൃഷ്ണൻ എന്നിവർ സംസാരിച്ചു. L. രവി പ്രകാശ്, M. കണ്ണൻ, സരേഷ് , വി.വിജയൻ എന്നിവർ പ്രകടനത്തിന് നേതൃത്വം നൽകി