വൈദ്യുതി നിയമ ഭേദഗതി ബിൽ കത്തിച്ച് ജീവനക്കാർ പ്രതിഷേധിച്ചു.
വൈദ്യുതി വിതരണ മേഖല പൂർണമായും സ്വകാര്യവൽക്കരിക്കാൻ ഉദ്ദേശിച്ച് കേന്ദ്രസർക്കർ
തയ്യാറാക്കിയ വൈദ്യുതി നിയമ ഭേദഗതി ബിൽ 2021 ൻ്റെ പകർപ്പ് കത്തിച്ച് ജീവനക്കാർ പ്രതിഷേധിച്ചു.
വൈദ്യുതി ജീവനക്കാർ സംസ്ഥാനവ്യാപകമായി നാഷണൽ കോർഡിനേഷൻ കമ്മിറ്റി ഓഫ് ഇലക്ടിസിറ്റി എംപ്ലോയിസ് ആൻ്റ് എൻഞ്ചിനേഴ്സ് ൻ്റെ നേതൃത്വത്തിൽ യുടെ നടത്തുന്ന പ്രതിഷേധ പരിപാടിയുടെ ഭാഗമായാണ് ഇത്.
വൈദ്യുതി ഉപഭോക്താക്കൾക്ക് സബ്ബ്സിഡി നഷ്ടപ്പെടുത്തുന്നതും,
കോർപറേറ്റ് മുതലാളിമാർക്ക് വൈദ്യുതി മേഖലയുടെ സ്വത്തുക്കൾ കൈയ്യടക്കാൻ സൗകര്യം ഒരുക്കുന്നതിനും ഉദ്ദേശിച്ച് തയ്യാറാക്കിയതാണ് ഈ നിയമ ഭേദഗതി ബിൽ. ഇത് നടപ്പാക്കരുതെന്ന് ആവശ്യപ്പെട്ട് ജീവനക്കാരും കർഷകരും പ്രക്ഷോഭത്തിലാണ്.
പാലക്കാട് വൈദ്യുതി ഭവനുമുമ്പിൽ നിയമ ഭേദഗതി ബിൽ കത്തിച്ച് ജീവനക്കാർ പ്രതിഷേധിച്ചു. തുടർന്ന് നടന്ന പ്രതിഷേധയോഗം കെ എസ് ഇ ബി വർക്കേഴ്സ് അസോസിയേഷൻ സംസ്ഥാന ഉപാദ്ധ്യക്ഷൻ വി.വി.വിജയൻ ഉദ്ഘാടനം ചെയ്തു.
ഓഫീസേഴ്സ് അസോസിയേഷൻ ജില്ലാ സെക്രട്ടറി പി.ടി.സുരേഷ് അദ്ധ്യക്ഷത വഹിച്ചു.
കേരള ഇലക്ട്രിസിറ്റി വർക്കേഴ്സ് ഫെഡറേഷൻ ജില്ലാ സെക്രട്ടറി എം.സി.ആനന്ദൻ ആമുഖ പ്രഭാഷണം നടത്തി.
കെ എസ് ഇ ബി വർക്കേഴ് അസോസിയേഷൻ ഡിവിഷൻ പ്രസിഡൻറ് വി. കെ.രവീന്ദ്രൻ, അസിസ്റ്റൻറ് സെക്രട്ടറി മണികണ്ഠൻ, കേരള ഇലക്ടിസിറ്റി വർക്കേഴ്സ് ഫെഡറേഷൻ ഡിവിഷൻ സെക്രട്ടറി മണി കുളങ്ങര, ഓഫീസേഴ്സ് അസോസിയേഷൻ ജില്ലാ കമ്മിറ്റി അംഗം അനീഷ് എന്നിവർ സംസാരിച്ചു.