ട്രെയിന്‍ മാര്‍ഗം ആലുവയിലേക്ക് കടത്താന്‍ ശ്രമം; പാലക്കാട് 10 കിലോ കഞ്ചാവ് പിടികൂടി
ഒലവക്കോട് റെയില്‍വേ സ്റ്റേഷനില്‍ 50 ലക്ഷം രൂപയോളം വിലവരുന്ന കഞ്ചാവുമായി 2 യുവാക്കള്‍ പിടിയില്‍. ഒഡീഷ സ്വദേശികളായ സുരേഷ്, ജെയിംസ് എന്നിവരാണ് പിടിയിലായത്
ട്രെയിൻ മാര്‍ഗം കഞ്ചാവ് ആലുവയിലേക്ക് കടത്താൻ ശ്രമിക്കുന്നതിനിടെയാണ് പ്രതികള്‍ പിടിയിലാകുന്നത്. 10 കിലോ കഞ്ചാവാണ് ഇരുവരില്‍ നിന്നായി പിടികൂടിയത്. ഒലവക്കോട് റെയില്‍വേ സ്റ്റേഷനില്‍ ആര്‍.പി.എഫും എക്സൈസും സംയുക്തമായി നടത്തിയ പരിശോധനയിലാണ് കഞ്ചാവുമായി യുവാക്കളെ പിടികൂടിയത്.
