മലയാളം ഗസ്റ്റ് അധ്യാപക കൂടിക്കാഴ്ച 29 ന്
പത്തിരിപ്പാല ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ മലയാള ഗസ്റ്റ് അധ്യാപിക നിയമനത്തിന് ഓണ്‍ലൈനായി അപേക്ഷിച്ചവര്‍ക്കുള്ള കൂടിക്കാഴ്ച ജൂലൈ 29 ന് രാവിലെ 10ന് കോളേജില്‍ നടക്കുമെന്ന് പ്രിന്‍സിപ്പല്‍ അറിയിച്ചു. അപേക്ഷിച്ചവര്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം എത്തണം. ഫോണ്‍: 0491-2873999.
ഫാര്‍മസിസ്റ്റ് ഒഴിവ്
മണ്ണാര്‍ക്കാട് താലൂക്ക് ആശുപത്രിയില്‍ ഫാര്‍മസിസ്റ്റ് ഒഴിവ്. താലൂക്ക് പരിധിയിലുള്ള 40 വയസ്സിനു താഴെയുള്ള ഡി ഫാം, ബി ഫാം യോഗ്യതയുള്ളവര്‍ക്കാണ് അവസരം. താല്‍പര്യമുള്ളവര്‍ ജൂലൈ 28 ന് രാവിലെ 10 ന് അസ്സല്‍ സര്‍ട്ടിഫിക്കറ്റുകളുമായി കൂടിക്കാഴ്ചയ്ക്ക് എത്തണമെന്ന് സൂപ്രണ്ട് അറിയിച്ചു. ഫോണ്‍: 04924-224549.
പഠനമുറി പദ്ധതിയിലേക്ക് അപേക്ഷിക്കാം
കുഴല്‍മന്ദം ബ്ലോക്ക് പട്ടികജാതി വികസന ഓഫീസ് പരിധിയിലുള്ള തേങ്കുറിശ്ശി, പെരിങ്ങോട്ടുകുറിശ്ശി, മാത്തൂര്‍, കുഴല്‍മന്ദം, കുത്തന്നൂര്‍ ഗ്രാമപഞ്ചായത്തുകളിലെ ഗുണഭോക്താക്കള്‍ക്ക് പഠനമുറി പദ്ധതിയിലേക്ക് അപേക്ഷിക്കാം. 18 വയസ്സിന് മുകളിലുള്ള ഡിഗ്രി തലത്തില്‍ പഠിക്കുന്ന വിദ്യാര്‍ഥികളാവണം. കുടുംബ വാര്‍ഷിക വരുമാനം മൂന്നു ലക്ഷത്തില്‍ കവിയരുത്. ഉന്നത വിദ്യാഭ്യാസ വകുപ്പ് അംഗീകരിച്ച കോഴ്‌സുകള്‍ പഠിക്കുന്നവരാകണം. വീടിന്റെ വിസ്തീര്‍ണ്ണം 800 സ്‌ക്വയര്‍ ഫീറ്റില്‍ കൂടരുത്.
