മണ്ണെടുപ്പ് തടഞ്ഞു; യന്ത്രംപിടിച്ചെടു
മണ്ണാർക്കാട്: പെരിമ്പടാരി പോത്തോഴിക്കാവ് റോഡരികിൽ സ്വകാര്യവ്യക്തിയുടെ സ്ഥലത്ത് അനധികൃതമായി കുന്നിടിച്ചുനിരപ്പാക്കിയിരുന്നത് ഒരുസംഘം യുവാക്കൾ തടഞ്ഞു.
പോത്തോഴിക്കാവ് നമ്പിയത്ത് അബുവിന്റെ ഉടമസ്ഥതയിലുള്ള സ്ഥലത്താണ് മണ്ണുമാന്തിയന്ത്രമെത്തിച്ച് അനധികൃതമായി മണ്ണെടുപ്പ് നടന്നിരുന്നത്.
സംഭവമറിഞ്ഞ് ഡെപ്യൂട്ടി തഹസിൽദാർ ഷാജി, വില്ലേജ്‌ ഓഫീസർ വിനോദ്, റവന്യൂ ഉദ്യോഗസ്ഥരായ ഷാജി, ബിജു, പ്രമോദ് എന്നിവരുടെ നേതൃത്വത്തിലുള്ള സംഘവും പോലീസും സ്ഥലത്തെത്തി. തുടർന്ന് മണ്ണുമാന്തിയന്ത്രം കസ്റ്റഡിയിലെടുത്ത് സിവിൽ സ്റ്റേഷൻ കോമ്പൗണ്ടിലെത്തിച്ചു. സ്ഥലമുടമക്കെതിരെ നടപടി സ്വീകരിച്ചതായും റവന്യൂ ഉദ്യോഗസ്ഥർ പറഞ്ഞു.
