ജസ്നയുടെ തിരോധാനം; ലൗജിഹാദ് പ്രയോഗം ഉയര്ത്തി സംഘപരിവാര് വര്ഗീയ മുതലെടുപ്പിന് ശ്രമിക്കുന്നു- പോപ്പുലര് ഫ്രണ്ട്
കോടതികള് പോലും തള്ളിക്കളഞ്ഞ സംഘപരിവാര് സൃഷ്ടിയായ ലൗജിഹാദ് പ്രയോഗം വീണ്ടും ഉയര്ത്തിക്കാട്ടിയാണ് ഈ കേസില് സംഘപരിവാര് വര്ഗീയ മുതലെടുപ്പിന് ശ്രമിക്കുന്നതെന്നും സി.എ റഊഫ് പറഞ്ഞു
പാലക്കാട്.കാഞ്ഞിരപ്പള്ളി മുക്കൂട്ടുതറ സ്വദേശിനി ജെസ്നയുടെ തിരോധാനവുമായി ബന്ധപ്പെട്ട് സംഘപരിവാരവും ചില ക്രൈസ്തവ പ്രസ്ഥാനങ്ങളും ഇസ്ലാം വിരുദ്ധത പ്രചരിക്കുകയാണെന്ന് പോപ്പുലര് ഫ്രണ്ട്. ഇത്തരം പ്രചരണങ്ങള്ക്കെതിരെ സര്ക്കാര് ഇടപെടണമെന്നും അവര് ആവശ്യപ്പെട്ടു. വര്ഗീയ ധ്രുവീകരണം ലക്ഷ്യമിട്ടുള്ള ആസൂത്രിത നീക്കത്തിന് തടയിടാന് സര്ക്കാര് അടിയന്തരമായി ഇടപെടണമെന്ന് പോപുലര് ഫ്രണ്ട് ഓഫ് ഇന്ത്യ സംസ്ഥാന സെക്രട്ടറി സി.എ റഊഫ് പറഞ്ഞു.
കോടതികള് പോലും തള്ളിക്കളഞ്ഞ സംഘപരിവാര് സൃഷ്ടിയായ ലൗജിഹാദ് പ്രയോഗം വീണ്ടും ഉയര്ത്തിക്കാട്ടിയാണ് ഈ കേസില് സംഘപരിവാര് വര്ഗീയ മുതലെടുപ്പിന് ശ്രമിക്കുന്നതെന്നും സി.എ റഊഫ് പറഞ്ഞു. നുണബോംബുകള് പൊട്ടിച്ച് ഉത്തരേന്ത്യന് മോഡല് വര്ഗീയത കേരളത്തിലും പയറ്റാനുള്ള ആര്എസ്എസ് നീക്കത്തിനെതിരേ ഇനിയെങ്കിലും സര്ക്കാര് മൗനം വെടിയണമെന്നും സിഎ റഊഫ് ആവശ്യപ്പെട്ടു
