പാലക്കാട്: പാലക്കാട് റെയില്‍ വേ സ്റ്റേഷനില്‍ വന്‍ കഞ്ചാവ് വേട്ട. 27 കിലോ കഞ്ചാവുമായി മൂന്നംഗ സംഘത്തെ ആര്‍പിഎഫ് ക്രൈം ഇന്റലിജന്‍സ് ബ്രാഞ്ച് അറസ്റ്റ് ചെയ്തു.
സംശയാസ്പദമായ നിലയില്‍ കണ്ട പ്രതികളുടെ ബാഗ് പരിശോധിച്ചതോടെയാണ് കഞ്ചാവ് കണ്ടെത്തിയത്. ഇവരെ കോടതിയില്‍ ഹാജരാക്കി റിമാന്‍‍‍ഡ് ചെയ്യും.
പ്രായപൂര്‍ത്തിവാത്ത പെണ്‍കുട്ടിയും കഞ്ചാവ് കടത്താന്‍ ശ്രമിച്ച സംഘത്തിലുണ്ട്. മൂവരും ഒഡിഷ സ്വദേശികളാണ്. കഞ്ചാവ് ആര്‍ക്ക് വേണ്ടിയാണ് കേരളത്തിലെത്തിച്ചതെന്ന് ഉള്‍പ്പെടെയുള്ള വിവരങ്ങള്‍ അന്വേഷിക്കും
