പാലക്കാട്:യു.പിയിലെ ഹാഥ്റാസിൽ പീഡനത്തിരയായ പെൺകുട്ടിയുടെ പിതാവിനെ പ്രതി വെടിവെച്ചു കൊന്ന സംഭവത്തിൻ്റെ പശ്ചാത്തലത്തിൽ സ്ത്രീപീഡകർക്ക് ഒത്താശ ചെയ്യുന്ന യോഗി ആദിത്യനാഥ് സർക്കാറിൻ്റെ നടപടിക്കെതിരെ ഫ്രറ്റേണിറ്റി മൂവ്മെൻ്റ് ജില്ലയിലെ വിവിധ മണ്ഡലങ്ങളിൽ പ്രതിഷേധ പരിപാടികൾ സംഘടിപ്പിച്ചു.പാലക്കാട്, മണ്ണാർക്കാട്,ഒറ്റപ്പാലം,പട്ടാമ്പി,തൃത്താല മണ്ഡലം കമ്മിറ്റികൾ പ്രതിഷേധ പ്രകടനങ്ങളും ആലത്തൂർ മണ്ഡലം കമ്മിറ്റി പ്രതിഷേധ ചത്വരവും സംഘടിപ്പിച്ചു.സംഘ്പരിവാറിൻ്റെ ‘റേപ്പ് സ്റ്റേറ്റ്’ നിർമിതിക്കെതിരെ പ്രതിഷേധ പരിപാടികളിൽ വ്യത്യസ്ത ആവിഷ്ക്കാരങ്ങൾ സംഘടിപ്പിച്ചു.ആലത്തൂരിലെ പ്രതിഷേധ ചത്വരത്തിൽ ബോർഡ് സ്ഥാപിച്ച് സ്ത്രീപീഡകരെ സംരക്ഷിക്കുന്ന സംഘ്പരിവാർ ഭരണകൂടത്തിനെതിരെ പൊതുജനങ്ങളുടെ പ്രതിഷേധങ്ങൾ എഴുതിപ്പിക്കുകയും ഒപ്പുശേഖരണം നടത്തുകയും ചെയ്തു. പ്രതിഷേധ പ്രകടനങ്ങളിൽ യോഗിയുടെ കോലം കത്തിച്ചു.
വെൽഫെയർ പാർട്ടി,ഫ്രറ്റേണിറ്റി ജില്ല,മണ്ഡലം നേതാക്കൾ സംസാരിക്കുകയും പരിപാടികൾക്ക് നേതൃത്വം നൽകുകയും ചെയ്തു.
ഫോട്ടോ: ഹാഥ്റാസ് സംഭവത്തിൻ്റെ പശ്ചാത്തലത്തിൽ ഫ്രറ്റേണിറ്റി മൂവ്മെൻറ് ആലത്തൂരിൽ സംഘടിപ്പിച്ച പ്രതിഷേധ ചത്വരത്തിൽ സംഘ്പരിവാറിൻ്റെ റേപ്പ് സ്റ്റേറ്റ് നിർമിതിക്കെതിരെ പൊതുജനങ്ങൾ പ്രതിഷേധങ്ങൾ കുറിക്കുന്നു.