ഗുജറാത്ത് വംശഹത്യ: നിയമപോരാട്ടം നടത്തിയവരെ അറസ്റ്റ് ചെയ്യുന്ന ഭരണകൂട ഭീകരതക്കെതിരെ കാമ്പസുകളിൽ പ്രതിഷേധം
പാലക്കാട്: മോദിയുടെ ഗുജറാത്ത് മുസ് ലിം വംശഹത്യയിൽ നിയമപോരാട്ടങ്ങൾക്ക് നേതൃത്വം നൽകിയ ടീസ്റ്റ സെറ്റിൽവാദിനെയും ആർ.ബി ശ്രീകുമാറിനെയും അന്യായമായി വേട്ടയാടുന്ന ഭരണകൂട ഭീകരതിയിൽ പ്രതിഷേധിച്ച് ഫ്രറ്റേണിറ്റി മൂവ്മെന്റ് ജില്ലയിലെ കാമ്പസുകളിൽ പ്രതിഷേധ പരിപാടികൾ സംഘടിപ്പിച്ചു. ഗവ.വിക്ടോറിയ കോളേജിൽ നടന്ന പരിപാടിയിൽ കാമ്പസിൽ വിഷയമുന്നയിച്ചുള്ള പോസ്റ്ററുകൾ പതിച്ചു. ഇർഫാൻ,ഹാദിയ,ബാസിമ എന്നിവർ നേതൃത്വം നൽകി.
സുപ്രീംകോടതിയിൽ നിന്നും ക്ലീൻചിറ്റ് കിട്ടിയിട്ടും തെളിവുകൾ നശിപ്പിച്ച് സൃഷ്ടിച്ചെടുത്ത അനുകൂല വിധി പൊളിഞ്ഞ് സത്യം പുറത്തുവരുമോയെന്ന ഭയമാണ് മോദിയെ ടീസ്റ്റയെയും ശ്രീകുമാറിനെയും വേട്ടയാടാൻ പ്രേരിപ്പിക്കുന്നതെന്നും ഇതിനെ ചെറുത്ത് തോൽപ്പിക്കുമെന്നും ജില്ല സെക്രട്ടറിയേറ്റ് പ്രസ്താവനയിൽ പറഞ്ഞു.
Photo:ടീസ്റ്റ സെറ്റിൽവാദിനെയും ആർ.ബി ശ്രീകുമാറിനെയും അന്യായമായി വേട്ടയാടുന്ന ഭരണകൂട ഭീകരതിയിൽ പ്രതിഷേധിച്ച് വിക്ടോറിയ കോളേജിൽ പോസ്റ്റർ പതിക്കുന്ന ഫ്രറ്റേണിറ്റി പ്രവർത്തക.
