ഗാന്ധിദർശൻ വേദി ദണ്ഡിയാത്രാ അനുസ്മരണം നടത്തി.

പിരായിരി: കേരളാ പ്രദേശ് ഗാന്ധിദർശൻ വേദി പാലക്കാട് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ ദണ്ഡിയാത്രാ അനുസ്മരണം സംഘടിപ്പിച്ചു. സ്വാതന്ത്ര്യ സമര ചരിത്രത്തിലെ അവിസ്മരണീയ സമരമുറയായിരുന്നു ദണ്ഡിയാത്രയും,ഉപ്പുസത്യാഗ്രഹവുമെന്ന് അനുസ്മരണ യോഗം ഉദ്ഘാടനം ചെയ്തു കൊണ്ട്, കേരളാ പ്രദേശ് ഗാന്ധിദർശൻ വേദി പാലക്കാട് ജില്ലാ ചെയർമാൻ പി.പി.വിജയകുമാർ പറഞ്ഞു. 1930 മാർച്ച് 12ന് സബർമതി ആശ്രമത്തിൽ നിന്നും 390 കിലോമീറ്റർ സഞ്ചരിച്ചാണ് ഗാന്ധിജിയുടെ നേതൃത്വത്തിൽ അച്ചടക്കത്തോടെ 78 കർമ്മഭടന്മാർ ദണ്ഡി കടപ്പുറത്ത് എത്തിയത്. ബ്രിട്ടീഷുകാരെ വിറപ്പിച്ച അതിസാഹസിക യാത്രയായിരുന്നു ദണ്ഡിയാത്ര എന്ന് പി.പി. വിജയകുമാർ പറഞ്ഞു.
നിയോജക മണ്ഡലം പ്രസിഡണ്ട് പി.ശശിശേഖരൻ അദ്ധ്യക്ഷത വഹിച്ചു. മണ്ഡലം കോൺഗ്രസ്സ് പ്രസിഡണ്ട് എം.ഇസ്മായിൽ, കെ.പി.ജി.ഡി.ജില്ലാ ട്രഷറർ ടി.എൻ.ചന്ദ്രൻ ,ലക്ഷ്മി പത്മനാഭൻ ,കെ .ടി.പുഷ്പവല്ലി നമ്പ്യാർ, കെ.വെള്ളപ്പൻ, എസ്.പ്രസീദ്, കെ.രമേഷ്, വി.കെ.അൻവർ, എം.റഫീക്ക്, കെ.കണ്ണൻ, ടി.വിജയൻ എന്നിവർ പ്രസംഗിച്ചു.