‘സാമൂഹിക നവോത്ഥാന പ്രക്രിയയിൽ വിദ്യാർത്ഥികൾക്ക് മുഖ്യ പങ്ക്’
പാലക്കാട്:”കാല്പനികതയുടെ പഴങ്കഥകളല്ല;നീതിയുടെ പോരിടങ്ങളാണ് കലാലയങ്ങൾ” എന്ന തലക്കെട്ടിൽ ഫ്രറ്റേണിറ്റി ജില്ല കമ്മിറ്റി കാമ്പസ് പ്രവർത്തകർക്കായി പാലക്കാട് മോഡൽ ഹൈസ്ക്കൂളിൽ വെച്ച് ഏകദിന പഠന ക്യാമ്പ് സംഘടിപ്പിച്ചു.സംസ്ഥാന കാമ്പസ് സെക്രട്ടറിയേറ്റംഗം ഫസ്‌ലു റഹ്മാൻ.പി പരിപാടി ഉദ്ഘാടനം ചെയ്തു.ജില്ല വൈസ് പ്രസിഡന്റ് ഹിബ തൃത്താല അധ്യക്ഷത വഹിച്ചു.വിവിധ സെഷനുകളിലായി സംസ്ഥാന കാമ്പസ് സെക്രട്ടറിയേറ്റംഗങ്ങളായ ആദിൽ അലിയും സമീഹയും വിദ്യാർത്ഥികളുമായി സംവദിച്ചു.സംസ്ഥാന കമ്മിറ്റി അംഗവും ജില്ല ജനറൽ സെക്രട്ടറിയുമായ കെ എം സാബിർ അഹ്സൻ സമാപന പ്രഭാഷണം നടത്തി.സാമൂഹിക നവോത്ഥാന പ്രക്രിയയിൽ വിദ്യാർത്ഥികൾക്ക് മുഖ്യ പങ്കാണുള്ളതെന്ന് അദ്ദേഹം പറഞ്ഞു.ജില്ല സെകട്ടറി സാബിത് മേപ്പറമ്പ് സ്വാഗതവും പാലക്കാട് മണ്ഡലം പ്രസിഡന്റ് ത്വാഹ മുഹമ്മദ് നന്ദിയും പറഞ്ഞു. ജില്ല കാമ്പസ് സെക്രട്ടറിയേറ്റംഗങ്ങളായ ഷബ്നം.പി.നസീർ,ബദ്റുസമാൻ,അഫ് ലഹ,സുബൈർ സി.ജെ,ഷിബിൻ പട്ടാമ്പി,കാമ്പസ് യൂണിറ്റ് പ്രതിനിധികൾ എന്നിവർ സംസാരിച്ചു.
Photo Caption:ഫ്രറ്റേണിറ്റി ജില്ല കമ്മിറ്റി ക്യാമ്പസ് പ്രവർത്തകർക്കായി സംഘടിപ്പിച്ച ഏകദിന പഠന ക്യാമ്പ്.
