പാലക്കാട്ടെ തങ്കം ആശുപത്രിയില് പ്രസവത്തില് കുഞ്ഞ് മരിച്ചതിന് പിന്നാലെ അമ്മയും മരിച്ചു.
തത്തമംഗലം സ്വദേശി ഐശ്വര്യയാണ് മരിച്ചത്. ഇന്നലെ ഐശ്വര്യയുടെ കുഞ്ഞ് മരിച്ചത് ചികിത്സാപിഴവ് മൂലമാണെന്ന് ആരോപിച്ച് ബന്ധുക്കള് പൊലീസില് പരാതി നല്കിയിരുന്നു. ബന്ധുക്കളുടെ പരാതിയില് പൊലീസ് കേസ് എടുത്തിരുന്നു. ആശുപത്രിയില് സംഘര്ഷാവസ്ഥ പോലീസെത്തി നിയന്ത്രിച്ചു
ഒരാഴ്ച മുന്പാണ് യുവതിയെ പ്രസവത്തിനായി ആശുപത്രിയില് പ്രവേശിപ്പിച്ചത്. സുഖ പ്രസവമായിരിക്കുമെന്നാണ് അധികൃതര് ബന്ധുക്കളെ അറിയിച്ചത്. പിന്നീട് സ്കാനിങ്ങില് പിഴവ് കണ്ടെത്തിയതിനെ തുടര്ന്ന് സിസേറിയന് വഴി കുഞ്ഞിനെ പുറത്തെടുത്തതായി അധികൃതര് അറിയിച്ചു.
കുഞ്ഞിനെ ബന്ധുക്കള്ക്ക് വിട്ടുനല്കാതെ ആശുപത്രി അധികൃതര് മറവു ചെയ്യുകയും ചെയ്തിരുന്നു. കുഞ്ഞിന്റെ മൃതദേഹം പോസ്റ്റ്മോര്ട്ടം ചെയ്യുമെന്ന പൊലീസിന്റെ ഉറപ്പിലാണ് ആശുപത്രിയില് നിന്ന് ഇന്നലെ ബന്ധുക്കള് പിരിഞ്ഞുപോയത്.