വാളയാർ: മാതാപിതാക്കളുടെ സത്യഗ്രഹത്തിന് ഐക്യദാർഢ്യം – വെൽഫെയർ പാർട്ടി
പാലക്കാട്: വളയാർ പെൺകുട്ടികളുടെ നീതിക്കായ് മാതാപിതാക്കൾ സെക്രട്ടറിയേറ്റിന് മുന്നിൽ നടത്തുന്ന സത്യഗ്രഹത്തിന് വെൽഫെയർ പാർട്ടി ജില്ല എക്സിക്യൂട്ടീവ് യോഗം ഐക്യദാർഢ്യമറിയിച്ചു. വാളയാർ കേസ് നീതി നിഷേധത്തിൻ്റെ ‘കേരള മോഡൽ’ ആയിരിക്കുകയാണെന്ന് യോഗം അഭിപ്രായപ്പെട്ടു. സർവത്ര ഗൂഢാലോചന നടന്ന കേസിൽ പുനരന്വേഷണം നടത്തി കുറ്റക്കാരെ നിയമത്തിന് മുന്നിൽ കൊണ്ടുവരണം. കേസ് അട്ടിമറിച്ച ഉദ്യോഗസ്ഥരെ ശിക്ഷിക്കണമെന്നും യോഗം ആവശ്യപ്പെട്ടു.ജില്ല ആക്ടിങ് പ്രസിഡൻറ് പി.മോഹൻദാസ് അധ്യക്ഷത വഹിച്ചു.കെ.സി നാസർ, എം.സുലൈമാൻ, എ.ഉസ്മാൻ, പി.ലുഖ്മാൻ, ആസിയ റസാഖ്, മൊയ്ദീൻ കുട്ടി വല്ലപ്പുഴ എന്നിവർ സംസാരിച്ചു.
