*വടക്കഞ്ചേരിയിൽ വൻ കഞ്ചാവ് വേട്ട: ലോറിയിൽ കടത്തി കൊണ്ടുവന്ന 60 കിലോയിലധികം കഞ്ചാവ് പിടികൂടി
വടക്കഞ്ചേരി: സർവീസ് റോഡിൽ വൻ കഞ്ചാവ് വേട്ട. സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡ് തലവൻ അനികുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ചെടിലോഡിന്റെ മറവിൽ KL09 AS 3031നമ്പറുള്ള നാഷണൽ പെർമിറ്റ് ടോറസ് ലോറിയിൽ കടത്തി കൊണ്ടുവന്ന 60 കിലോയിലധികം കഞ്ചാവ് പിടികൂടിയത്. വാഹനത്തിലുണ്ടായിരുന്ന തൃശ്ശൂർ ചാലക്കുടി സ്വദേശി സുനു ആന്റണി (28), വയനാട് പുൽപള്ളി സ്വദേശി നിഖിൽ (28), എന്നിവരെ പിടികൂടി.
സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡിന്റെ സംഘത്തലവനായ സർക്കിൾ ഇൻസ്പെക്ടർ അനികുമാറിനെ കൂടാതെ സർക്കിൾ ഇൻസ്പെക്ടർ ജി കൃഷ്ണകുമാർ, എക്സൈസ് ഇൻസ്പെക്ടർമാരായ കെ. വി. വിനോദ്, ടി.ആർ. മുകേഷ്കുമാർ, എസ്. മധുസൂദനൻ നായർ, സി സെന്തിൽ കുമാർ, ഗ്രേഡ് പ്രിവന്റീവ് ഓഫീസർ മുസ്തഫ ചോലയിൽ സിവിൽ എക്സൈസ് ഓഫീസർമാരായ വിശാഖ്, പി. സുബിൻ, എസ് ഷംനാദ്, ആർ രാജേഷ്, എം.എം അരുൺ കുമാർ, ബസന്ത് കുമാർ, സി എൻ അഖിൽ, മുഹമ്മദ്അലി എക്സൈസ് ഡ്രൈവർ രാജീവ് എന്നിവർ ഉൾപ്പെട്ട എക്സൈസ് സംഘമാണ് കഞ്ചാവ് വേട്ട നടത്തിയത്. മേൽ നടപടികൾക്കായി പ്രതികളെയും കഞ്ചാവും ലോറിയും ആലത്തൂർ സർക്കിൾക്ക് കൈമാറി.
