വടക്കഞ്ചേരി:പാത്രകണ്ടത്തിനടുത്ത് കൈതക്കൽ ഉറവയിൽ കാട്ടാനകൂട്ടം വീട് തകർത്തു.പാച്ചാൻ പറമ്പിൽ മത്തായിയുടെ വീടാണ് ഇന്നലെ പുലർച്ചെ ആനകൾ തകർത്തത്.ചുമരുകളെല്ലാം തകർന്നു. കഴിഞ്ഞ കുറച്ചു ദിവസങ്ങളായി വനാതിർത്തിയിലെ സോളാർ ഫെൻസിംഗ് തകർത്ത് ആന കൂട്ടങ്ങൾ ജനവാസ മേഖലയിൽ കറങ്ങുന്നതിനാൽ ഇവിടുത്തെ പല വീട്ടുക്കാരും താഴെയുള്ള ബന്ധുവീടുകളിലും മറ്റുമാണ് കഴിയുന്നത്. മത്തായിയും കുടുംബവും ആനകൾ ആക്രമിക്കുന്ന സമയം വീട്ടിലുണ്ടായിരുന്നില്ല. ഇതിനാൽ ആളപായം ഒഴിവായി.
