മണ്ണാർക്കാട്: നഗരസഭയിലെ എട്ടാംവാർഡ് വടക്കേക്കരയിൽ യു.ഡി.എഫിന് സ്ഥാനാർഥിയില്ല. യു.ഡി.എഫ്. പ്രതിനിധിയായിരുന്ന സതീശൻ താഴത്തേതിലിന്റെ നാമനിർദേശപത്രിക സൂക്ഷ്മപരിശോധനയിൽ തള്ളി.
സമർപ്പിച്ചിരുന്ന രണ്ടുസെറ്റ്‌ പത്രികകളിലും ഒപ്പിട്ടില്ല എന്നതാണ് കാരണം. ഇവിടെ യു.ഡി.എഫാകട്ടെ ഡമ്മി പത്രികയും നൽകിയിരുന്നില്ല.
ഇതോടെ ഈ വാർഡിൽ എൽ.ഡി.എഫ്. സ്വതന്ത്രസ്ഥാനാർഥിയും നഗരസഭാ വൈസ് ചെയർമാനുമായിരുന്ന ടി.ആർ. സെബാസ്റ്റ്യനും എൻ.ഡി.എ.യിലെ മുൻ കൗൺസിലർ പി.എം. ജയകുമാറും തമ്മിൽ നേർക്കുനേർ മത്സരത്തിന് കളമൊരുങ്ങി. ഇവിടെ ഒരു സ്വതന്ത്രനും മത്സരരംഗത്തുണ്ട്.
