175 ക
ഡിവൈഎഫ്ഐ പാലക്കാട് ജില്ലാ സമ്മേളനം 21, 22 തീയതികളിൽ ചിറ്റൂരിൽ ചേരും. 296 പ്രതിനിധികൾ പങ്കെടുക്കും. സമ്മേളനത്തിന്റെ ഭാഗമായി 20ന് നടത്താൻ തീരുമാനിച്ച കൊടിമര, ദീപശിഖ ജാഥകൾ ജില്ലയിലെ നിരോധനാജ്ഞയുടെ പശ്ചാത്തലത്തിൽ ഒഴിവാക്കിയതായി ഭാരവാഹികൾ അറിയിച്ചു.
ചിറ്റൂർ നെഹ്റു ഓഡിറ്റോറിയത്തിൽ (പി ബിജു നഗർ) വ്യാഴം രാവിലെ ഒമ്പതിന് അഖിലേന്ത്യ പ്രസിഡന്റ് എ എ റഹീം സമ്മേളനം ഉദ്ഘാടനം ചെയ്യും. 22ന് വൈകിട്ട് അണിക്കോട് ജംഗ്ഷനിൽ (ഭഗത്സിങ് നഗർ) പൊതുസമ്മേളനം മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. ജില്ലാ പ്രസിഡന്റ് പി പി സുമോദ് എംഎൽഎ, സെക്രട്ടറി ടി എം ശശി, സംസ്ഥാന കമ്മിറ്റിയംഗം ജിഞ്ചു ജോസ് എന്നിവർ വാർത്താസമ്മേളനത്തിൽ പങ്കെടുത്തു.
