തെരുവുനായ് ശല്യത്തിൽ വലഞ്ഞ് ജനം
മേഖലയിൽ തെരുവുനായ് ശല്യം വർധിച്ചു. ഒലവക്കോട്, താ
ണാവ്, ബി ഒ സി റോഡ് എന്നിവിടങ്ങളിലാണ് നായകളുടെ ശല്യം വർധിച്ചത്. കവലകളിലും ഒറ്റപ്പെട്ട പ്രദേശങ്ങളിലും മാലിന്യങ്ങൾ നിക്ഷേപിക്കുന്ന സ്ഥലങ്ങളിലും ആണ് തെരുവുനായ്ക്കൾ താവളമാക്കിയത്. കവലകളിൽ കൂട്ടംകൂട്ടമായി തെരുവുനായ്ക്കൾ എത്തുന്നതിനാൽ ഇരുചക്രവാഹനങ്ങൾ അപകടത്തിനിടയാകുന്നത് വർധിച്ചിട്ടുണ്ട്. മത്സ്യ, ഇറച്ചി അവശിഷ്ടങ്ങൾ റോഡരികിൽ വ്യാപകമായി തള്ളുന്നതാണ് തെരുവ് നായ്ക്കൾ താവളമാക്കാൻ കാരണം. പ്രജനനശേഷി ഇല്ലാതാക്കാനുള്ള പദ്ധതി മൃഗസംരക്ഷണവകുപ്പ് കാര്യക്ഷമമായി നടപ്പാക്കാത്തതാണ് തെരുവുനായ് വ്യാപകമായ തോതിൽ പെറ്റുപെരുകാൻ കാരണമെന്ന് പ്രദേശവാസികൾ പറയുന്നു.