ഹോട്ടലുടമയുടെ മൃതദേഹം തിരിച്ചറിഞ്ഞു; ട്രോളി ബാഗുകള്‍ കാറില്‍ കൊണ്ടുപോവുന്ന ദൃശ്യങ്ങള്‍ പുറത്ത്
തിരൂര്‍ സ്വദേശിയായ ഹോട്ടലുടമയെ കൊലപ്പെടുത്തി കഷ്ണങ്ങളാക്കി അട്ടപ്പാടി ചുരത്തില്‍ തള്ളിയ സംഭവത്തില്‍ മൃതദേഹം ട്രോളി ബാഗിലാക്കി കാറില്‍ കൊണ്ടുപോവുന്ന ദൃശ്യങ്ങള്‍ പുറത്ത്.
പ്രതികളുടെ വെളിപ്പെടുത്തലിന്റെ അടിസ്ഥാനത്തില്‍ അട്ടപ്പാടി ചുരത്തില്‍ നടത്തിയ അന്വേഷണത്തില്‍ കണ്ടെടുത്ത ട്രോളി ബാഗുകളിലുണ്ടായിരുന്നത് സിദ്ദീഖിന്റെ മൃതദേഹം തന്നെയാണെന്ന് ബന്ധുക്കള്‍ തിരിച്ചറിഞ്ഞു. ചുരത്തിലെ ഒമ്ബതാം വളവില്‍ നിന്ന് കണ്ടെടുത്ത രണ്ടു ട്രോളി ബാഗുകളിലാണ് മൃതദേഹാവശിഷ്ടങ്ങള്‍ ഉണ്ടായിരുന്നത്.
