ഒലവക്കോട് : ഒലവക്കോട് സ്വകാര്യ ബ്യൂട്ടീ പാർലറിൽ ജോലി ചെയ്യുന്ന മലമ്പുഴ സ്വദേശി സരിതയെ ഇന്ന് കാലത്ത് ഭർത്താവ് ബാബുരാജ് സ്ഥാപനത്തിൽ കയറി പെട്രോളൊഴിച്ചു വധിക്കാൻ ശ്രമിച്ചു.
ദേഹത്ത് തീപ്പിടിച്ച യുവതി കുതറിമാറി ഓടിരക്ഷപ്പെടുകയായിരുന്നു. സാരമായ പരിക്കേറ്റ ഇവരെ ഇപ്പോൾ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്. വധശ്രമത്തിനു ശേഷം ഭർത്താവ് ബാബുരാജ് നേരെ മലമ്പുഴ പോലീസ് സ്റ്റേഷനിലെത്തി കീഴടങ്ങുകയായിരുന്നു. ജോലിക്ക് പോകുന്നതിൽ എതിർപ്പ് പ്രകടിപ്പിച്ച വീട്ടിൽ സ്ഥിരം വഴക്ക് നടക്കാറുണ്ട് എന്ന യുവതി പോലീസിനോട് പറഞ്ഞു. യുവതിയുടെ അമ്മ നേരത്തെ തന്നെ തന്നെ ഇതുമായി ബന്ധപ്പെട്ട് മലമ്പുഴ പോലീസ് സ്റ്റേഷനിൽ ബാബുരാജിനെതിരെ പരാതി നൽകിയിരുന്നു അന്വേഷണങ്ങൾ ഉണ്ടായിട്ടില്ല. . പൊലീസ് സംഭവസ്ഥലത്തെത്തി വിശദമായ പരിശോധന നടത്തുന്നുണ്ട്.
