അയിലൂർ മൂലയിൽ മധ്യവയസ്കൻ വീടിനകത്ത് മരിച്ച നിലയിൽ: മൃതദേഹത്തിന് ഒരാഴ്ചയിലേറെ പഴക്കം
നെമ്മാറ: അയിലൂർ മൂലയിൽ മധ്യവയസ്കൻ വീടിനകത്ത് മരിച്ച നിലയിൽ കണ്ടെത്തി. രാഘവൻ പിള്ളയുടെ മകൻ രാജശേഖരൻ (55) നെയാണ് വീടിനകത്ത് മരിച്ച നിലയിൽ കണ്ടെത്തിയത്. കോൺക്രീറ്റ് റെഡിമിക്സ് വാഹനത്തിന്റെ ഡ്രൈവറാണ് അവിവാഹിതനായ രാജശേഖരൻ. അയൽക്കാരുമായി യാതൊരു ബന്ധവുമില്ല എന്ന് പരിസരവാസികൾ പറഞ്ഞു.
രണ്ടോ മൂന്നോ ദിവസം കൂടുമ്പോൾ സഹോദരിയെ ഫോൺ ചെയ്യാറുണ്ടെന്നും ഒരാഴ്ചയായി ഫോൺ ചെയ്തിട്ടില്ല എന്നും പറഞ്ഞു. വീടിനകത്ത് ദുർഗന്ധം വന്നതിനെ തുടർന്ന് പരിസരവാസികൾ വീടിനകത്ത് നോക്കിയപ്പോൾ ആയിരുന്നു മരിച്ച നിലയിൽ കണ്ടെത്തിയത്. വിവരം അറിഞ്ഞതിനെ തുടർന്ന് നെന്മാറ പോലീസ് സ്ഥലത്ത് എത്തി തുടർനടപടികൾ സ്വീകരിച്ചു. മൃതദേഹത്തിന് ഒരാഴ്ചയിലേറെ പഴക്കമുണ്ടെന്ന് പറയപ്പെടുന്നു.
