പടക്കം വെച്ച് കാട്ടുപന്നിയെ കൊന്നു; ഇറച്ചി വിൽക്കാനുള്ള ശ്രമത്തിനിടെ യുവാക്കൾ പിടിയിൽ
പത്തിരിപ്പാല .കാട്ടുപന്നി ഇറച്ചി വിൽപനക്കായി കാറിൽ കടത്തവേ യുവാക്കൾ പിടിയിൽ. പന്നിപടക്കം വെച്ച് കൊന്നശേഷം കാട്ടുപന്നിയുമായി പോവുകയായിരുന്ന ലക്കിടിപേരൂർ പാറപ്പള്ളം കോട്ടക്കാട് വിനു (31), പാറപ്പള്ളം സുശാന്ത് (33), മാങ്കുറുശി ചേന്ദക്കാട് പുഴക്കൽ വീട്ടിൽ സുമേഷ് (24) എന്നിവരെയാണ് മങ്കര പൊലീസ് തിങ്കളാഴ്ച പുലർച്ചെ 4.45ന് പിടികൂടിയത്.
കല്ലേക്കാട് രാജീവ് ഗാന്ധി ആശുപത്രിക്ക് സമീപത്തു നിന്നാണ് പടക്കംവെച്ച് പന്നിയെ പിടിച്ചത്. മുറിച്ച് കഷ്ണങ്ങളാക്കി കാറിെൻറ ഡിക്കിലിട്ട് മടങ്ങുമ്പോഴാണ് നൈറ്റ് പെട്രോളിലുണ്ടായിരുന്ന പൊലീസുകാർ മങ്കര വെള്ള റോഡിൽ വാഹനം തടഞ്ഞ് പരിശോധിച്ചത്.
എ.എസ്.ഐ മോഹൻ ദാസ്, സി.പി.ഒമാരായ സുജിത്, ഹോംഗാർഡ് മോഹൻദാസ് എന്നിവരുടെ നേതൃത്വത്തിലാണ് പിടികൂടിയത്. തുടർന്ന് പ്രതികളെയും ചത്ത പന്നിയേയും വാഹനവും വനംവകുപ്പിന് കൈമാറി. വന്യജീവി സംരക്ഷണ നിയമപ്രകാരം ഇവരെ അറസ്റ്റ് ചെയ്തു. വനം വകുപ്പ് ഓഫിസർമാരായ സന്തോഷ്, കെ.യു. പ്രതിഷ്, പി. ജോതിഷ്, വി. മനു എന്നിവരുടെ നേതൃത്വത്തിലാണ് അറസ്റ്റ്
