കൊലപാതകശ്രമം: രണ്ടാംപ്രതിയും അറസ്റ്റ്
കോങ്ങാട് : ലഹരിമരുന്ന് ഇടപാട് സംബന്ധിച്ച തർക്കത്തിൽ കുത്തിക്കൊലപ്പെടുത്താൻ ശ്രമിച്ചെന്ന കേസിലെ രണ്ടാംപ്രതിയെ കോങ്ങാട് പോലീസ് അറസ്റ്റുചെയ്തു. ഫോർട്ട്കൊച്ചി മട്ടാഞ്ചേരി പള്ളിപ്പറമ്പ് വീട്ടിൽ ഹർഷാദാണ് (24) അറസ്റ്റിലായത്.
പ്രതിയെ കോടതിയിൽ ഹാജരാക്കി റിമാൻഡ്‌ചെയ്തു. ഈമാസം പത്തിന് രാത്രി ഒമ്പതേകാലിന് കാഞ്ഞിക്കുളത്താണ് സംഭവം. ലഹരിമരുന്ന് ഇടപാടിനെപ്പറ്റിയുള്ള തർക്കത്തിൽ കല്ലടിക്കോട് വല്ലാമല വീട്ടിൽ ശരത്തിനെ കുത്തിക്കൊലപ്പെടുത്താൻ ശ്രമിച്ചതായാണ് കേസ്. ഒന്നാംപ്രതി തൃശ്ശൂർ പഴുവിൽ കുറുമ്പിലാവ് പാറേക്കോട്ടിൽ വിഷ്ണുപ്രസാദ് (18) നേരത്തെ അറസ്റ്റിലായിരുന്നു.
