സി.പി.എം. നിയന്ത്രണത്തിലുള്ള എലപ്പുള്ളി സര്വീസ് സഹകരണ ബാങ്ക് ഭരണസമിതി പിരിച്ചുവിട്ടു. സാമ്ബത്തിക ക്രമക്കേടിനെ തുടര്ന്ന് ജില്ലാ സഹകരണ സംഘം ജോയിന്റ് രജിസ്ട്രാറാണ് പിരിച്ചുവിട്ടതായി ഉത്തരവിട്ടത്.
ഗുരുതരമായ സാമ്ബത്തിക അഴിമതിയും തിരിമറിയും നടക്കുന്നുവെന്നാരോപിച്ച് എലപ്പുള്ളി സ്വദേശിയുടെ പരാതിയെ തുടര്ന്നാണ് നടപടി.
ഭരണസ്തംഭനം ഒഴിവാക്കാന് മൂന്നംഗ അഡ്മിനിസ്ട്രേറ്റീവ് കമ്മിറ്റിയെ ഏല്പ്പിച്ചു.
പ്രാഥമിക അന്വേഷണത്തില് അതീവഗുരുതരമായ ക്രമക്കേടുകള് കണ്ടെത്തിയതായി അസി. രജിസ്ട്രാര് റിപ്പോര്ട്ട് ചെയ്തിരുന്നു. ഭരണവകുപ്പിന്റെ അനുമതിയില്ലാതെ ബാങ്കിലെ ഭരണസമിതിയും സെക്രട്ടറിയും ഉള്പ്പടെ ഒമ്ബതുപേര് ആന്ഡമാനില് പരിശീലനത്തില് പങ്കെടുക്കാനായി 300055 രൂപ ചിലവഴിച്ചു. നീതിമെഡിക്കല് സ്റ്റോര്, സൂപ്പര്മാര്ക്കറ്റ് എ.സി സ്ഥാപിക്കാനായി 233200 രൂപയും ഫര്ണീച്ചര് വാങ്ങിയതിന് 582084 രൂപയും കമ്ബ്യൂട്ടര് വാങ്ങുന്നതിന് 965839 രൂപയും അനുമതിയില്ലാതെ ചിലവഴിച്ചു.
