കാരപ്പൊറ്റ CPIM പ്രവർത്തകന്റെ കൊലപാതകം: പ്രതികൾക്ക് ജീവപര്യന്തം*
RSS പ്രവർത്തകരായ സുജീഷ്, ജെനീഷ് , മിധുൻ, സുമേഷ് എന്നിവരെയാണ് കോടതി ശിക്ഷിച്ചത്
വടക്കഞ്ചേരി കണ്ണമ്പ്ര കാരപ്പൊറ്റയിലെ സിപിഐ എം പ്രവർത്തകൻ കെ ആർ വിജയനെ വെട്ടിക്കൊന്ന കേസിൽ പ്രതികൾക്ക് ജീവപര്യന്തവും അൻപതിനായിരം രൂപ പിഴയും വിധിച്ചു . പാലക്കാട് മൂന്നാം അഡീഷണൽ സെഷൻസ് കോടതി ജഡ്ജി പി കെ മോഹൻദാസാണ് ശിക്ഷ വിധിച്ചത്.
നാല് ആർഎസ്എസ് പ്രവർത്തകരും കുറ്റക്കാരാണെന്ന് കോടതി കണ്ടെത്തി. പടിഞ്ഞാമുറി പവൻ എന്ന സുജീഷ് (31), കാരപ്പൊറ്റ കൂടല്ലൂർ ജനീഷ് (26), പടിഞ്ഞാമുറി കുന്നുംപുറം മിഥുൻ (27), കാരപ്പൊറ്റ അത്താണിപ്പറമ്പ് സുമേഷ് (29)എന്നിവരാണ് കുറ്റക്കാർ. 2015 മെയ് മൂന്നിന് വൈകിട്ട് അഞ്ചിന് വീടിനുസമീപത്തെ മരണവീട്ടിലേക്ക് പോകുന്ന വിജയനെ തടഞ്ഞുനിർത്തി വെട്ടിക്കൊല്ലുകയായിരുന്നു.
