പുതുപ്പരിയാരത്ത് 12 വാർഡുകൾ : തീവ്രബാധിത മേഖല
പുതുപ്പരിയാരം: പഞ്ചായത്തിൽ കോവിഡ് രോഗികളുടെ എണ്ണം വർധിച്ചതോടെ 12 വാർഡുകൾ തീവ്രബാധിത മേഖലകളായി. പഞ്ചായത്തിലെ 21 വാർഡുകളിൽ 12-ഉം തീവ്രബാധിത മേഖലകളായതോടെ ആരോഗ്യവകുപ്പ് കടുത്തനിയന്ത്രണങ്ങളാണ് ഏർപ്പെടുത്തിയത്.
തിങ്കളാഴ്ച മൈക്ക് പ്രചാരണം, വീടുകളിലും സ്ഥാപനങ്ങളിലും നിർദേശങ്ങളടങ്ങിയ നോട്ടീസ് വിതരണം എന്നിവനടത്തി. നിലവിൽ 233 കോവിഡ് രോഗികളാണ് പഞ്ചായത്തിലുള്ളത്.
