വഴിയോര കച്ചവടക്കാർക്ക് കോ വിഡ് വാക്സിൻ ഉടൻ നൽകണം.
പാലക്കാട്: വഴി യോര കച്ചവടക്കാർക്ക് പ്രത്യേക പരിഗണന നൽകി കോ വിഡ് വാക്സിൻ അടിയന്തിരമായി നൽകണമെന്ന് സെൽഫ് എംപ്ലോയ്മെൻ്റ് അസോസിയേഷൻ സംസ്ഥാന പ്രസിഡൻ്റ് എം.എം.കബീർ ആവശ്യപ്പെട്ടു. രാത്രി 9 മണിക്കു ശേഷമാണ് കർഫ്യൂ എന്നിരിക്കെ സന്ധ്യയാവുമ്പോഴേക്കും വഴിയോര കച്ചവടക്കാരെ പോലീസ് പറഞ്ഞയക്കുകയാണെന്ന് എം.എം.കബീർ ആരോപിച്ചു. കോവിഡ് വ്യാപനത്തെ തുടർന്ന് കച്ചവടം നഷ്ടത്തിലായ സാഹചര്യത്തിൽ പ്രധാന മന്ത്രിയുടെ പ്രത്യേക പദ്ധതിയിൽ നിന്നും ലോണെടുത്ത തുക തിരിച്ചടക്കാൻ 6 മാസത്തെ സാവകാശം നൽകണമെന്നും കബീർ ആവശ്യപ്പെട്ടു. വഴിയോര കച്ചവടക്കാർ നേരിടുന്ന വിവിധ പ്രശ്നങ്ങൾക്ക് പരിഹാരം ആവശ്യപ്പെട്ട് ഇ-മെയിൽ വഴി മുഖ്യമന്ത്രിക്ക് പരാതി അയച്ചതായും കബിർ പറഞ്ഞു.