യുവാവിനെ കാപ്പ ചുമത്തി അറസ്റ്റ് ചെയ്തു

ജില്ലാ പോലീസ് സൂപ്രണ്ടിന്റെ റിപ്പോർട്ട് പ്രകാരം കളക്ടറാണ് ഉത്തരവിട്ടത്.

വിവിധ കേസുകളിൽ പ്രതിയായ തേങ്കുറിശ്ശി തുപ്പാരക്കളം അൽത്താഫ് ഹുസൈൻ അലിയെ (25) പോലീസ് ‘കാപ്പ’ ചുമത്തി അറസ്റ്റ് ചെയ്തു. ഇയാളെ തൃശ്ശൂർ വിയ്യൂർ സെൻട്രൽ ജയിലിൽ കരുതൽതടങ്കലിൽ വെക്കും. കേരള സാമൂഹികവിരുദ്ധ പ്രവർത്തന നിരോധന നിയമമാണ് ‘കാപ്പ’. കുഴൽമന്ദം, പുതുനഗരം, ചിറ്റൂർ, ആലത്തൂർ പോലീസ് സ്റ്റേഷനുകളിലും കുഴൽമന്ദം, പാലക്കാട് എക്സൈസ് റേഞ്ചുകൾ എന്നിവിടങ്ങളിലുമായി പന്ത്രണ്ട് കേസുകളിൽ പ്രതിയാണ്.