മെയ് ഒന്നു മുതൽ സ്വകാര്യ ബസ്സുകൾ നിർത്തലാക്കുന്നു

പാലക്കാട്:
കോവിഡ് വ്യാപനം
രൂക്ഷമായ സാഹചര്യത്തിൽ സംസ്ഥാനത്തെ ഭൂരിപക്ഷം പഞ്ചായത്തു, മുൻസിപ്പൽ, കോർപറേഷൻ വാർഡുകളും കൺടൈൻമെന്റ്സോനുകൾ ആക്കിയത് മൂലം സ്വകാര്യബസുകളിൽ കയറാൻ യാത്രക്കാർ ഇല്ലാത്തത്കൊണ്ട് ബസുകൾക്ക് ലഭിക്കുന്ന വരുമാനം ദിവസചിലവിനു പോലും തികയാത്ത സാഹചര്യത്തിൽമെയ്‌ 1 മുതൽ സംസ്ഥാനത്തെ സ്വകാര്യ ബസുകൾ ഫോം ജി (വാഹന നികുതി ഒഴിവാക്കി കിട്ടുവാനുള്ള അപേക്ഷ ) കൊടുത്തു നിർത്തലാ ക്കുവാൻ തീരുമാനിച്ചു.ഏപ്രിൽ, മെയ്‌, ജൂൺ ക്വാർട്ടർ നികുതി ഒഴിവാക്കി കിട്ടുന്നതിന് വേണ്ടി സർക്കാരിലേക്ക് അപേക്ഷ നൽകിയിട്ടുണ്ട് എങ്കിലും സർക്കാരിന്റെ ഭാഗത്തു നിന്നും യാതൊരു തീരുമാനവും ഇല്ലാത്തത്തിനാലാണ് ബസുകൾ നിർത്തിവെക്കേണ്ടി വരുന്നത് എന്നും ജനുവരി, ഫെബ്രുവരി, മാർച്ച്‌ മാസത്തെ ക്വാർട്ടർ നികുതി ഒഴിവാക്കി തന്ന രീതിയിൽ നിലവിലെ ക്വാർട്ടർ ടാക്സ് കൂടി ഒഴിവാക്കുവാൻ സർക്കാർ തീരുമാനിച്ചാൽ മാത്രമേ കുറച്ചു ബസുകൾക്കെങ്കിലും സർവീസ് നടത്തുവാൻ സാധിക്കുകയുള്ളു.നിലവിലെ ടാക്സ് അടക്കേണ്ട അവസാന തിയതി മെയ്‌ 15 ആണ്.ഇതൊരു സമര തീരുമാനം അല്ലെന്നും ലാഭകരമായി സർവീസ് നടത്തുവാൻ സാധിക്കുന്ന ബസുകൾക്ക് സർവീസ് നടത്തുന്നതിന് തടസ്സമില്ല എന്നും ആൾ കേരള ബസ് ഓപ്പറേറ്റർസ് ഓർഗാണൈസേഷൻ ജനറൽ സെക്രട്ടറി ടി ഗോപിനാഥൻ അറിയിച്ചു.